Raj Kumar: చిరంజీవిలా ఉండడమే నాకు శాపమైంది… నటుడు రాజ్ కుమార్ కామెంట్స్ వైరల్!

Raj Kumar: సినిమా ఇండస్ట్రీలో గత 30 సంవత్సరాలుగా కొనసాగుతూ జూనియర్ చిరంజీవిగా గుర్తు పొందిన సీనియర్ నటుడు రాజ్ కుమార్ గురించి ప్రత్యేకంగా పరిచయం చేయాల్సిన అవసరం లేదు. ఎన్నో సినిమాలలో సీరియల్స్ లో నటించి తన నటనతో ప్రేక్షకులను ఆకట్టుకున్న రాజ్ కుమార్ అచ్చం చిరంజీవి పోలికలతో ఉండటం వల్ల జూనియర్ చిరంజీవిగా పాపులర్ అయ్యాడు. ప్రస్తుతం సినిమాలకు దూరంగా ఉంటున్న రాజకుమార్ సీరియల్స్ లో నటిస్తూ బుల్లితెర ప్రేక్షకులను ఆకట్టుకుంటున్నాడు.

తాజాగా ఒక ఇంటర్వ్యూలో పాల్గొన్న రాజ్ కుమార్ తన కెరీర్ గురించి మాట్లాడుతూ ఎమోషనల్ అయ్యాడు.
ఈ ఇంటర్వ్యూలో రాజ్ కుమార్ మాట్లాడుతూ “చిరంజీవి లాగా పోలికలు ఉండటం నా అదృష్టం. కానీ అలా ఉండటం వల్లే నేను హీరోగా సక్సెస్ కాలేక ఇక్కడే మిగిలిపోయాను అంటూ చెప్పుకొచ్చాడు. నేను చిరంజీవి పోలికలతో ఉండటం చూసేవారికి గొప్పగా ఉంటుంది.

ఇండస్ట్రీలో మాత్రం అది నాకు మైనస్ పాయింట్. ఆయన పోలికలతో ఉన్నందుకు మర్రి చెట్టు కింద కలుపు మొక్కల తయారైంది నా పరిస్థితి అంటూ ఎమోషనల్ అయ్యారు. చిరంజీవి ఇండస్ట్రీలో నన్ను తొక్కేసారని కొందరు అన్నారు. కానీ అలా జరిగి ఉంటే ఈ రోజు సీరియల్స్ లో కూడా కనిపించేవాడిని కాదు అంటూ తెలిపాడు. జూనియర్ చిరంజీవి అని గుర్తింపు రావటం వల్ల తెలుగు ఇండస్ట్రీ వదిలి కన్నడ పరిశ్రమకు వెళ్ళిపోయాను.

Raj Kumar: అవార్డు అందుకోవడం సంతోషంగా ఉంది..

ఇక ప్రస్తుతం ఇక్కడ సీరియల్స్ లో నటిస్తూ బిజీగా ఉన్నాను అంటూ రాజ్ కుమార్ వెల్లడించాడు. ఈ క్రమంలో చిరంజీవి గారి గురించి మాట్లాడుతూ.. చిరంజీవి గారి చేతుల మీదుగా అవార్డు అందుకోవటం సంతోషంగా అనిపించింది’’ అని పేర్కొన్నారు. ప్రస్తుతం రాజ్ కుమార్ చేసిన వ్యాఖ్యలు సోషల్ మీడియాలో వైరల్ అవుతున్నాయి. ఇదిలా ఉండగా ప్రస్తుతం జనని, కేరాఫ్ అనసూయ వంటి సీరియల్స్ లో నటిస్తూ రాజ్ కుమార్ బిజీగా ఉన్నాడు.