Rajinikanth -Kamal Hassan: కోలీవుడ్ ఇండస్ట్రీలో అగ్ర నటులుగా స్టార్ హీరోలుగా ఎంతో పేరు ప్రఖ్యాతలు సంపాదించుకున్న కమల్ హాసన్ రజనీకాంత్ క్రేజ్ గురించి ప్రత్యేకంగా చెప్పాల్సిన పనిలేదు. ఈ ఇద్దరు సీనియర్ హీరోలకు విపరీతమైన ఫ్యాన్ ఫాలోయింగ్ ఉంది.అయితే ఈ ఇద్దరు హీరోల వయసు పెరుగుతున్న కొద్ది వరుస సినిమాలకు కమిట్ అవుతూ ఎంతో బిజీగా ఉన్నారు.

ఈ క్రమంలోనే కమల్ హాసన్ శంకర్ దర్శకత్వంలో ఇండియన్ 2 సినిమా షూటింగ్ తో ఎంతో బిజీగా ఉన్నారు. లైకా ప్రొడక్షన్ నిర్మాణంలో కమల్ హాసన్ కాజల్ అగర్వాల్ రకుల్ హీరో హీరోయిన్లు ఈ సినిమాలో నటిస్తున్నారు. ఈ సినిమా ప్రస్తుతం శరవేగంగా షూటింగ్ పనులను జరుపుకుంటూ చివరి దశకు చేరుకుంది.

ఇకపోతే రజినీకాంత్ సైతం నెల్సన్ దిలీప్ కుమార్ దర్శకత్వంలో జైలర్ సినిమా షూటింగ్ పనులతో బిజీగా ఉన్నారు. ఈ సినిమా షూటింగ్ పనులు కూడా శరవేగంగా జరుగుతున్నాయి. ఇందులో రమ్యకృష్ణ, తమన్నా మోహన్ లాల్ వంటి వారు నటిస్తున్నారు. ఈ సినిమా కూడా చివరి దశ షూటింగ్ కు చేరుకుంది. ఇకపోతే ఈ రెండు సినిమాలు కూడా ఒకేసారి విడుదలకు సిద్ధమవుతున్నాయని తెలుస్తోంది.

Rajinikanth -Kamal Hassan: 2005 లో పోటీపడిన కమల్.. రజిని

కోలీవుడ్ మీడియా సమాచారం ప్రకారం ఒకే రోజున కమల్ హాసన్ రజినీకాంత్ సినిమాలు రెండు విడుదలకు సిద్ధం కాబోతున్నాయని సమాచారం. అయితే సుమారు 18 సంవత్సరాలు తర్వాత ఈ ఇద్దరు స్టార్ హీరోలు బాక్స్ ఆఫీస్ బరిలో పోటీకి దిగబోతున్నారు. 2005 వ సంవత్సరంలో రజనీకాంత్ నటించిన చంద్రముఖి కమల్ హాసన్ నటించినముంబై ఎక్స్ప్రెస్ సినిమాలు విడుదలయ్యాయి. అయితే ఇందులో చంద్రముఖి సినిమా అద్భుతమైన విజయాన్ని అందుకుంది.