Rambha : ఆ హీరో అన్న మాటలకు డైరెక్టర్ తో తిట్లు తిన్న హీరోయిన్ రంభ..!

Rambha : ‘ఆ ఒక్కటి అడక్కు’ సినిమాతో హీరోయిన్ గా తెలుగు పరిశ్రమకు పరిచయమైన రంభ అసలు పేరు విజయలక్ష్మి. విజయవాడ లో పుట్టి పెరిగిన రంభ మలయాళం సినిమా ఆఫర్ తో అక్కడ మొదటి సినిమా చేసి ఆ తరువాత తెలుగులో ఈవివి సత్యనారాయణ గారి సినిమా తో మంచి హిట్ అందుకుని హీరోయిన్ గా మంచి అవకాశాలు అందుకుంది. గ్లామరస్ పాత్రలే ఎక్కువగా చేసిన రంభ ఒక హీరో చేసిన పనికి సెట్లో డైరెక్టర్ తో తిట్లు తిని ఏడ్చిందట.

జేడీ వేసిన జోక్ వల్ల ఏడ్చిన రంభ…

‘పెళ్లి సందడి’ సినిమా తరువాత కొత్త హీరో హీరోయిన్లను పెట్టి సినిమా తీయాలని రాఘవేంద్ర రావు అనుకుని సొంత బ్యానర్ లో జేడీ చక్రవర్తి హీరోగా, రంభ హీరోయిన్ గా సినిమా తీశారు. అదే ‘బొంబాయి ప్రియుడు’, ఆ సినిమాలోని పాటలు సూపర్ హిట్ అంతే కాకుండా సినిమా కమర్షియల్ గా సక్సెస్ అయింది. రాఘవేంద్ర రావు సినిమా అనగానే పండ్లను, పూలను బాగా వాడుతారని తెలుసు. బొంబాయి ప్రియుడు పాట షూటింగ్ లో కూడా ఇదే జరిగింది.

ఒక పాట షూటింగ్ కోసం బత్తాయి పళ్ళను దొర్లిస్తూ ఒక షాట్ తీస్తుండగా, అప్పుడే జేడీ చక్రవర్తి ఇప్పుడు బత్తాయి పళ్ళను వేస్తున్నారు ఇంకాసేపటికి ఒక పెద్ద పుచ్చకాయ తెచ్చి నీ మీద వేస్తారు అని అనే సరికి ఫక్కున నవ్వేసిందట రంభ. ఇక హీరో హీరోయిన్లు అలా నవ్వుకుంటుంటే అసలే షాట్ కోసం కస్టపడుతున్న రాఘవేంద్ర రావు గారు కోపంతో తిట్టారట. ఇప్పుడు బాగానే నవ్వుకోండి మీరు నవ్వడం ఆపితే నేను షూటింగ్ చేస్తాను అంటూ కోపంగా అన్నారట. జేడీ వల్ల ఆనవసరంగా తిట్లు తిన్నానే అని రంభ ఏడ్చేసిందట. ఇక సెట్ లో ఉన్న వాళ్ళు సర్ది చెప్పడంతో మళ్ళీ షూటింగ్ లో పాల్గొనిందట రంభ.