Ramya Raghupathi : పవిత్ర లోకేష్ నరేష్ ని ఎందుకు పెళ్లి చేసుకుంటుందంటే.. మేము చేసిన స్ట్రింగ్ ఆపరేషన్ లో చెప్పింది ఇదే…: నరేష్ మూడో భార్య రమ్య రఘుపతి

Ramya Raghupathi : నరేష్ పవిత్ర లోకేష్ ప్రేమాయణం సంగతి ఇప్పుడు రెండు తెలుగు రాష్ట్రాలలో హాట్ టాపిక్. సీరియల్ లాగా సాగుతూనే ఉన్న ఈ ఇష్యూలో కొత్త ట్విస్ట్ వచ్చింది. అసలు నరేష్ ఎలాంటి వాడు అంటూ ఆయన భార్య రమ్య రఘుపతి మొదటి సారి మీడియా ముందుకువచ్చి మాట్లాడారు. తను ఇంకా తన భర్తతో విడాకులు తీసుకోలేదంటూ కోర్ట్ లో కేసు నడుస్తోందని తెలిపారు. అయితే ఇంతలో నరేష్ పవిత్ర లోకేష్ ను పెళ్లి చేసుకోబోతున్నాడనే వార్తలు వినిపిస్తున్నాయని అందుకే మీడియా ముందుకు వచ్చినట్లు తెలిపారు. ఇక అసలు పవిత్ర లోకేష్ మీద స్ట్రింగ్ ఆపరేషన్ ఎందుకు చేయించారు లాంటి ఆసక్తికర విషయాలను తెలిపారు రమ్య రఘుపతి.

పవిత్ర అందుకే నరేష్ భార్య కావాలనుకుంటోంది…

రమ్య రఘుపతి తన భర్త నరేష్ కు చాలా మంది అమ్మాయిలతో ఎఫైర్స్ ఉండేవంటూ ఆరోపించారు. తన భర్త ఇంటినుండి నన్ను వెళ్లగొట్టడానికి చాలా ప్రయత్నించారు అంటూ తెలిపారు. నాకు, మా మావయ్య కృష్ణ గారికి అక్రమ సంబంధం అంటగట్టాడు. అంతకుముందు మా అన్న రాకేష్ శెట్టి తో అక్రమ సంబంధం అంట గట్టాడు అంటూ తెలిపారు. రాకేష్ శెట్టి నాకు అన్న, తనకు నేను రాఖీ కూడా కట్టాను, తాను నాకు వడిబియ్యం కూడా పోసి పంపారు.

అలాంటి వ్యక్తితో అక్రమ సంబంధం పెట్టాడు. నా మొత్తం కథ విన్నాక రాకేష్ అన్న, చందన్ వాళ్ళు పవర్ టీవీ నుండి నాకు సహాయం చేసారు. పవిత్ర లోకేష్ మీద స్ట్రింగ్ ఆపరేషన్ చేసారు. అందులో పవిత్ర తనకు నరేష్ తో రిలేషన్ ఉన్నట్లు చెప్పింది. రమ్య మీ రిలేషన్ గురించి రచ్చ చేయాలనుకుంటోంది అంటే నరేష్ అంతకన్నా పెద్ద గొడవ చేస్తాడంటూ చెప్పింది. తనకు నరేష్ డబ్బు కావాలి అందుకే పెళ్లి చేసుకోవాలని భార్య స్థానంలో ఉండాలని అనుకుంటోంది అంటూ తెలిపారు రమ్య రఘుపతి.