దీనిని హీరోయిన్ గా తీసుకోకుండా ఉండాల్సిందన్న నెటిజన్ కు దిమ్మతిరిగే కౌంటర్ ఇచ్చిన రష్మిక!

బన్నీ, సుకుమార్‌ కాంబినేషన్‌లో తెరకెక్కిన చిత్రం ‘పుష్ప’. ఈ సినిమాపై భారీ అంచనాలు నెలకొన్నాయి. డిసెంబర్‌17న ఈ చిత్రం విడుదల కానుండటంతో మూవీ టీం ప్రమోషన్స్‌లో ఫుల్‌ బిజీగా ఉంది. పాన్ ఇండియా లెవల్లో విడుదలవుతున్న నేపథ్యంలో కేరళ, తమిళనాడు, కర్ణాటక వంటి రాష్ట్రాలకు ప్రమోషన్లో భాగంగా వెళ్తున్నారు. ఇదిలా ఉండగా.. ప్రస్తుతం సోషల్ మీడియా వాడకం ఫుల్ గా పెరిగిపోయింది.

ఒకప్పుడు సెలబ్రిటీలను చూడాలన్నా.. కలవాలన్నా.. ఎంతో కష్టపడాల్సి వచ్చేది. కానీ.. ప్రస్తుతం అలా లేదు. ఏ చిన్న అప్ డేట్ వచ్చినా.. తమ అభిమానులతో సెలబ్రిటీలు పంచుకుంటున్నారు. ఈ విషయంలో కొన్ని సార్లు సెలబ్రిటీలకు తలనొప్పులు తప్పడం లేదు. వారు షేర్ చేసే ఫోటోలు.. వీడియోలపై నెగిటివ్ కామెంట్లు చేయడంతో అది వారికి రుచించడం లేదు.

ముఖ్యంగా హీరోయిన్ల విషయంలో ట్రోలింగ్ ఎక్కువగా జరుగుతుంటాయి. ఇటీవల రాజ్‌పుత్‌కి సంబంధించిన ఓ వీడియోపై పాయల్ రాజ్‌పుత్‌ను ట్రోల్ చేసిన సంగతి తెలిసిందే. తాజాగా పుష్ప హీరోయిన రష్మికాను ఓ నెటిజన్ ట్రోల్ చేశాడు . ఏం జరిగిందటే.. రష్మిక ఓ ఇంటర్వ్యూలో మాట్లాడుతూ.. ‘సామీ సామీ సాంగ్‌ కోసం ఎంతో కష్టపడ్డా. అది చూశాక అందరూ నన్ను ప్రశంసిస్తే చాలు. డైరెక్టర్స్‌ ఏం చెబితే అదే నేను చేస్తా’ అంటూ మాట్లాడిన వీడియోను రష్మిక తన సోషల్‌ మీడియాలో షేర్‌ చేసింది.

దీనిపై ఓ నెటిజన్‌ స్పందిస్తూ.. అసలు దీన్ని హీరోయిన్‌గా తీసుకోకుండా ఉండాల్సింది. ఇది..దీని ఓవర్‌ యాక్టింగ్‌ అంటూ కామెంట్‌ చేశాడు. ఇది చూసిన రష్మిక.. ”యాక్టింగో, ఓవరాక్టింగో.. నేను జీవితంలో ఏదో ఒకటి సాధించాను. నువ్వు ఏం సాధించావు నాన్నా” అంటూ దిమ్మతిరిగే కౌంటర్‌ ఇచ్చింది. ప్రస్తుతం దీనికి సంబంధించిన ట్వీట్ సోషల్ మీడియాలో వైరల్ గా మారంది.