Rashmika: రష్మిక సినిమాలపై బ్యాన్ విధించిన కన్నడ చిత్ర పరిశ్రమ.. ఇదే కారణమా?

Rashmika: నటి రష్మిక మందన్న ప్రస్తుతం వరుస సినిమాలతో ఎంతో బిజీగా ఉన్నారు. పాన్ ఇండియా స్థాయిలో వరుస సినిమాలలో బిజీగా గడుపుతున్న ఈమెకు కన్నడ చిత్ర పరిశ్రమ నుంచి చేదు అనుభవం ఎదురయింది.తాజా సమాచారం ప్రకారం కన్నడ చిత్ర పరిశ్రమ రష్మిక సినిమాలపై బ్యాన్ విధించిందని సోషల్ మీడియాలో వార్తలు వస్తున్నాయి.

రష్మికపై కన్నడ చిత్ర పరిశ్రమ ఇలా బ్యాన్ విధించడానికి గల కారణం ఆమె కన్నడ చిత్ర పరిశ్రమ పట్ల కన్నడ సినిమాల పై వ్యవహరించిన శైలే కారణమని తెలుస్తుంది. ఇంటర్వ్యూలో పాల్గొన్నటువంటి ఈమె తనకు మొదటి సినిమా అవకాశం ఎలా వచ్చిందో చెప్పుకొచ్చారు.

మొదట నేను ఫ్రెష్‌ ఫేస్‌ అనే కాంపిటీషన్‌లో పాల్గొన్నాను.అందులో నేను జాతీయస్థాయిలో విజేతగా నిలవడంతో నా ఫోటో చూసి ఆ ప్రొడక్షన్ హౌస్ అవకాశం ఇచ్చిందని ప్రొడక్షన్ పేరు చెప్పకుండా తన చేతులతో వింత సైగలు చేశారు.ఇలా తనకు లైఫ్ ఇచ్చిన ప్రొడక్షన్ పేరు చెప్పకుండా ఇలా వింత సైగలు చేయడంతో కన్నడ చిత్ర పరిశ్రమ ఒక్కసారిగా ఆగ్రహం వ్యక్తం చేసింది.

Rashmika ప్రొడక్షన్ హౌస్ పట్ల అమర్యాదగా ప్రవర్తించిన రష్మిక…

ఈమెకు మొదటిసారిగా రక్షిత్ శెట్టి హీరోయిన్ గా తన సొంత ప్రొడక్షన్ పరమవాహ్‌ స్డూడియోస్‌ లో నటించే అవకాశం కల్పించారు. ఇలా తనకు అవకాశం ఇచ్చినటువంటి ఆ ప్రొడక్షన్ హౌస్ పేరు చెప్పకుండా అవమానించారంటూ కన్నడ చిత్ర పరిశ్రమ తన సినిమాలను కన్నడ భాషలో విడుదల చేయకుండా బ్యాన్ విధించిందని సమాచారం. తనపై వేటు వేయడంతో పాన్ ఇండియా స్థాయిలో విడుదలయే సినిమాలకు భారీ దెబ్బ పడుతుందని పలువురు అభిప్రాయం వ్యక్తం చేస్తున్నారు. మరి ఈ వార్తలపై రష్మిక స్పందన ఎలా ఉంటుందో తెలియాల్సి ఉంది.