Flash Back : పూరీ పోకిరి సినిమాలో ముందుగా రవితేజని తీసుకున్నారట.. కానీ ఆ రీమేక్ సినిమా కోసం పోకిరిని వదులుకున్న రవితేజ !

Pokiri Movie: తెలుగు సినిమా ఇండస్ట్రీలో పూరి జగన్నాథ్ కు రవితేజకు మధ్య మంచి బాండింగ్ ఉంది అనే విషయం మనకు తెలిసిందే. ఓ రకంగా చెప్పాలంటే పూరి జగన్నాథ్ రవితేజకు ఇండస్ట్రీలో లైఫ్ ఇచ్చారు. అయితే వీరిద్దరి కాంబినేషన్లో వచ్చిన ఎన్నో సినిమాలు సూపర్ హిట్ అయ్యాయి. ఈ క్రమంలోని పూరి జగన్నాథ్ రవితేజకు పోకిరి సినిమా కథ చెప్పారు.

ఈ సినిమా కథ చెప్పిన పూరి జగన్నాథ్ ఈ సినిమాకు సన్నాఫ్ సూర్యనారాయణ అనే టైటిల్ కూడా ఫిక్స్ అయ్యారట. ఈ కథ రవితేజకు చెప్పగా అదే సమయంలోనే రవితేజకు రీమేక్ చిత్రం నా ఆటోగ్రాఫ్ స్వీట్ మెమరీ సినిమా అవకాశం వచ్చింది.అయితే ఈ సినిమా కథ రవితేజకు విపరీతంగా నచ్చడంతో ఈ సినిమా పూర్తి కాగానే పూరీతో సినిమా చేస్తానని చెప్పారట.

ఇక రవితేజ ఈ సినిమా షూటింగ్ పూర్తి చేసుకునేలోపు పూరి జగన్నాథ్ మరో సినిమా చేద్దామని భావించి 143 అనే సినిమా చేసి విడుదల చేసినప్పటికీ రవితేజ ఫ్రీ కాలేదు. దీంతో పూరి జగన్నాథ్ మరో హీరోతో ఇంకో సినిమా చేయాలని భావించారు. అయితే అది వర్కౌట్ కాకపోవడంతో ఒక హోటల్లో మహేష్ బాబును కలిసిన పూరి పోకిరి సినిమా గురించి వివరించారు. ఈ కథ విన్న మహేష్ బాబు సినిమా నచ్చడంతో వెంటనే చేద్దామని చెప్పి సినిమాలో కొన్ని మార్పులు చేయించారట.

పోకిరి సినిమాని మిస్ చేసుకున్న రవితేజ..

ఇక ఈ సినిమాకు పోకిరి అనే టైటిల్ చెప్పడంతో మహేష్ బాబు ఎంతో ఎక్సైట్ అయ్యారని, ఈ సినిమాని కేవలం 70 రోజులలో షూటింగ్ పూర్తి చేశారని తెలుస్తోంది. ఇక ఈ సినిమాలో ముందుగా హీరోయిన్ పాత్రలో అయేషా టకియా, పార్వతి మెల్టన్ వంటి వారిని పరిశీలించినప్పటికీ ఫైనల్ గా ఇలియానా ఎంపికయ్యారు. మొత్తానికి పూరి జగన్నాథ్ ఇలియానా మహేష్ బాబు కాంబినేషన్ లో పోకిరి వంటి బ్లాక్ బస్టర్ సినిమా ప్రేక్షకుల ముందుకు వచ్చింది.ఇలాంటి ఒక బ్లాక్ బస్టర్ సినిమాని రవితేజ మిస్ చేసుకున్నారని చెప్పాలి.