RK Roja: టీవీ షోలో మంత్రి రోజాకు అవమానం.. అందుకే పిలిచారా అంటూ కన్నీళ్లు పెట్టుకున్న రోజా?

RK Roja: రోజా పరిచయం అవసరం లేని పేరు ఒకానొక సమయంలో వెండితెర నటిగా ఇండస్ట్రీని ఏలిన రోజా అనంతరం రాజకీయాలలోకి ఎంట్రీ ఇచ్చారు. ఇలా రాజకీయాలలో కొనసాగుతూనే ఈమె జబర్దస్త్ కార్యక్రమానికి జడ్జిగా వ్యవహరించారు.దాదాపు 10 సంవత్సరాల పాటు జడ్జిగా జబర్దస్త్ కార్యక్రమాన్ని ముందుకు నడిపించిన రోజా ప్రస్తుతం మంత్రి పదవి రావడంతో ఈమె ఈ కార్యక్రమం నుంచి తప్పుకున్నారు.

ఇలా జబర్దస్త్ కార్యక్రమానికి దూరమైనటువంటి రోజా రాజకీయాలలో బిజీగా ఉన్నారు. అయితే దసరా పండుగ సందర్భంగా మల్లెమాలవారు నిర్వహించినటువంటి స్పెషల్ ఈవెంట్లో రోజా గెస్ట్ గా హాజరయ్యారు. ఈ క్రమంలోనే ఎప్పటిలాగే రోజా తనదైన శైలిలో అందరిని సందడి చేశారు. ప్రస్తుతం ఈ కార్యక్రమానికి సంబంధించిన ప్రోమో విడుదల చేయగా ఈ ప్రోమో సోషల్ మీడియాలో వైరల్ గా మారింది.

ఎప్పటిలాగే అందరూ కలిసి ఆటపాటలతో సందడి చేయడమే కాకుండా ఒకరిపై మరొకరు పంచ్ లు వేస్తూ ఎంతో సందడి చేశారు.అయితే ఈ ప్రోమో చివరిలో రోజా ఒక్కసారిగా ఎమోషనల్ అవుతూ కంటతడి పెట్టుకొని షో మధ్యలో నుంచి బయటకు వెళ్లిపోయారు.అసలు ఏం జరిగిందో తెలియదు కానీ రోజా మాత్రం ఇలా నన్ను అవమానించడానికి ఇక్కడికి పిలిచారా అంటూ కన్నీళ్లు పెట్టుకున్నారు.

RK Roja: కన్నీళ్లు పెట్టుకున్న రోజా..

వేదికపైనే ఈమె ఆగ్రహం వ్యక్తం చేస్తూ అవమానంతో షో మధ్యలో నుంచి బయటకు వెళ్లినట్టు ఈ ప్రోమోలో చూపించారు. మరి నిజంగానే రోజాకు అవమానం జరిగిందా లేకపోతే షోపై హైప్ తీసుకురావడానికి ప్రోమో ఇలా కట్ చేశారా అనే విషయం తెలియాలంటే ఈ కార్యక్రమం ప్రసారమయ్యే వరకు వేచి చూడాలి. ప్రస్తుతం ఈ కార్యక్రమం సోషల్ మీడియాలో వైరల్ అవుతుంది.