RRR Movie: పుష్ప 2 ముందు RRR సినిమాని తీసి పారేసిన బాలీవుడ్ ఫిలిం క్రిటిక్ కే ఆర్ కే.. ట్వీట్ వైరల్!

RRR Movie: బాలీవుడ్ నటుడు నిర్మాత ఫిలిం క్రిటిక్ కమల్ ఆర్ ఖాన్ గురించి ప్రత్యేకంగా పరిచయం అవసరం లేదు.ఈయన చేసే సంచలనాత్మకమైన ట్వీట్లు ఎలా ఉంటాయో మనకు తెలిసిందే.సెలబ్రిటీల గురించి పెద్ద ఎత్తున కామెంట్లు చేస్తూ పలు వివాదాలను ఎదుర్కోవడమే కాకుండా ఈయనపై కొంతమంది సెలబ్రిటీలు పోలీసులకు ఫిర్యాదు చేసిన సంఘటనలు కూడా ఉన్నాయి.

ఈ విధంగా ఫిలిం క్రిటిక్ అంటూ చెప్పుకునే ఈయన ముందుగానే సినిమాలకు తన రివ్యూ ఇస్తూ పెద్ద ఎత్తున వార్తల్లో నిలుస్తుంటారు. ఈ క్రమంలోనే తాజాగా ట్విట్టర్ వేదికగా ఈయన తెలుగు సినిమాలు అయినటువంటి పుష్ప 2, RRR సినిమా గురించి మాట్లాడుతూ సంచలన వ్యాఖ్యలు చేశారు. ప్రస్తుతం పుష్ప 2 సినిమా షూటింగ్ పనులు శరవేగంగా జరుపుకుంటున్నాయి అయితే ఈ సినిమాపై భారీ అంచనాలు ఉండడంతో అన్ని భాషల రైట్స్ కి రూ. 1050 కోట్లు డిమాండ్ చేస్తున్నారని ఈయన ట్వీట్ చేశారు.

RRR Movie: పుష్ప 2 గురించి గొప్పగా చెప్పిన కేఆర్కే..

ఈ విషయం గురించి ఎక్కడ అధికారక ప్రకటన లేకపోయినా ఈయన మాత్రం పుష్ప 2 సినిమా కోసం భారీగా డిమాండ్ చేస్తున్నారని అయితే RRR సినిమా కేవలం 750 కోట్లకు మాత్రమే అమ్ముడుపోయాయి. ఇలా పుష్ప 2 సినిమా ముందు RRR చులకనగా చేసి మాట్లాడటంతో ఈ ట్వీట్ వైరల్ గా మారింది. ప్రస్తుతం RRR సినిమాలోని నాటు నాటు పాట ఆస్కార్ రేసులో నిలబడి అందరూ ఈ సినిమాపై ప్రశంసలు కురిపిస్తూ ఉండగా ఈయన మాత్రం ఈ సినిమా గురించి చులకన భావనతో మాట్లాడటంతో నేటిజన్స్ మండిపడుతున్నారు.