Sai Pallavi: మహేష్ సోదరిగా సందడి చేయనున్న ఫిదా బ్యూటీ.. అభ్యంతరం వ్యక్తం చేస్తున్న అభిమానులు!

Sai Pallavi: సినిమా ఇండస్ట్రీలోకి ఎంట్రీ ఇచ్చి ఏ విధమైనటువంటి గ్లామరస్ పాత్రలో నటించకుండా కథ ప్రాధాన్యత ఉన్న సినిమాలలో నటిస్తూ అతి తక్కువ సమయంలోనే ఎంతోమంది అభిమానులను సంపాదించుకున్న నేచురల్ బ్యూటీ సాయిపల్లవి గురించి ప్రత్యేకంగా చెప్పాల్సిన పనిలేదు.

ఇండస్ట్రీలోకి వచ్చిన తక్కువ సమయంలోనే అద్భుతమైన గుర్తింపు సంపాదించుకున్న ఈ ముద్దుగుమ్మ గత ఏడాది లవ్ స్టోరీ, శ్యామ్ సింగరాయ్ వంటి చిత్రాలతో ప్రేక్షకుల ముందుకు వచ్చి అద్భుతమైన విజయాన్ని అందుకుంది. ఇదిలా ఉండగా తాజాగా సాయి పల్లవికి సంబంధించిన ఓ విషయం సోషల్ మీడియాలో వైరల్ గా మారింది.

త్రివిక్రమ్ శ్రీనివాస్ మహేష్ బాబు కాంబినేషన్ లో 11 సంవత్సరాల తర్వాత వస్తున్న చిత్రం గురించి ప్రతి ఒక్కరికి ఎన్నో అంచనాలు ఉన్నాయి. అయితే ఈ సినిమాలో మహేష్ బాబు సరసన పూజా హెగ్డే నటిస్తున్న సంగతి తెలిసిందే.ఈ సినిమాని కీలక మలుపు తిప్పే పాత్ర ఉందని ఆ పాత్ర మహేష్ బాబు చెల్లెలు పాత్ర అని, ఆ పాత్రలో నటించడానికి చిత్రబృందం సాయిపల్లవిని సంప్రదించినట్లు తెలుస్తోంది.

ఇలాంటి పాత్రలో నటిస్తే కెరియర్ దెబ్బతింటుంది

ప్రస్తుతం ఈ విషయం సోషల్ మీడియాలో వైరల్ గా మారింది.మహేష్ బాబు సాయి పల్లవి అన్నా,చెల్లెలుగా నటిస్తున్నారంటే చాలామంది ఈ సినిమాను చూడటానికి ఎంతో ఆతృతగా ఎదురుచూస్తున్నప్పటికీ మరి కొంతమంది అభిమానులు మాత్రం పొరపాటున కూడా ఇలాంటి పాత్రలో నటించడానికి ఒప్పుకోకూడదని, ఇలాంటి పాత్రలో నటిస్తే తొందరగా కెరియర్ దెబ్బతింటుందని అభిమానులు అభ్యంతరం వ్యక్తం చేస్తున్నారు. మరి చెల్లెలి పాత్రలో నటించడానికి సాయి పల్లవి ఏ విధమైనటువంటి సమాధానం చెబుతారో తెలియాల్సి ఉంది.