Samantha: మరోసారి ఊ అంటావా అంటూ రేచ్చిపోయిన సమంత.. అంత ఓవరాక్షన్ అవసరం లేదంటున్న నేటిజన్స్?

Samantha: క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ హీరోగా వచ్చిన పుష్ప సినిమాలోని ఐటమ్ సాంగ్ ఎలాంటి హిట్ అయిందో మనకు తెలిసిందే. ఈ పాటలో సమంత నటించడం మరో విశేషం. పుష్ప సినిమాలో ఊ అంటావా మావ అనే మాస్ సాంగ్ కు సమంత మాస్ స్టెప్పులతో ఇరగదీసింది అని చెప్పాలి. ఇలా ఈ పాటతో పాన్ ఇండియా స్థాయిలో ఓ ఊపు ఊపిన సమంత బాలీవుడ్ ఇండస్ట్రీలో కూడా విపరీతమైన క్రేజ్ సొంతం చేసుకుంది.

ఇదిలా ఉండగా తాజాగా ఈమె మరోసారి ఊ అంటావా అంటూ రెచ్చిపోయింది.అయితే ఈసారి ఏకంగా బాలీవుడ్ హీరో అక్షయ్ కుమార్ తో కలిసి ఈమె కాఫీ విత్ కరణ్ షోలో సందడి చేశారు.ప్రస్తుతం ఈ టాక్ షో ఏడవ సీజన్ ప్రసారమవుతున్న విషయం మనకు తెలిసిందే. ఈ క్రమంలోనే సమంత అక్షయ్ కుమార్ ఈ కార్యక్రమంలో పాల్గొన్నారు. ఈ కార్యక్రమానికి సంబంధించిన ప్రోమో విడుదల చేశారు.

ఈ ప్రోమోలో భాగంగా సమంత అక్షయ్ కుమార్ ఇద్దరు ఈ పాటకు డాన్స్ వేయడమే కాకుండా అక్షయ్ కుమార్ ఏకంగా సమంతని ఎత్తుకొని ఈ షోలోకి ఎంట్రీ ఇచ్చారు.ఇక ఈ వీడియో వైరల్ కావడంతో ఎంతోమంది నెటిజన్లు ఈ వీడియో పై స్పందిస్తూ తమదైన శైలిలో కామెంట్లు చేస్తున్నారు. వీరిద్దరి పర్ఫామెన్స్ అదిరిపోయింది అంటూ కొందరు కామెంట్లు చేయగా మరికొందరు అంత ఓవరాక్షన్ అవసరం లేదు మరి ఎత్తుకొని తీసుకురావాలా అంటూ కామెంట్లు చేస్తున్నారు.

విడాకులపై స్పందించాల్సిన సమయం వచ్చిందా…

మొత్తానికి ఈ కార్యక్రమానికి సంబంధించిన ప్రోమో వైరల్ అయింది అయితే ఈ కార్యక్రమం పూర్తి ఎపిసోడ్ ఈరోజు సాయంత్రం ఏడు గంటలకు ప్రసారం కానుంది. మరి ఈ టాక్ షోలో కరణ్ సమంతను ఎలాంటి ప్రశ్నలు అడుగుతారు? ఈమె తన విడాకులు గురించి నోరు విప్పాల్సిన సమయం వచ్చిందా?ఒకవేళ అలాంటి ప్రశ్నలు అడిగితే సమంత ఏ విధమైనటువంటి సమాధానాలు చెప్పిందనే విషయం గురించి పెద్ద ఎత్తున అభిమానులలో ఆత్రత నెలకొంది. మరి ఈ టాక్ షోలో సమంతకు ఎలాంటి ప్రశ్నలు ఎదురయ్యాయనే విషయం తెలియాలంటే ఈరోజు సాయంత్రం వరకు వేచి చూడాలి.