Samantha: అలా జరిగితే.. సమంత బాలీవుడ్ లో చక్రం తిప్పడం ఖాయం..?

Samantha: ప్రస్తుతం టాలీవుడ్ లో ఎంతో కొంత ఫేమ్ ఉన్న స్టార్లు అంతా ప్యాన్ ఇండియా లెవల్లో సినిమాను తీయాలనే ఆశతో .. కోరికతో ఉన్నారు. అందులో భాగంగానే అల్లు అర్జున్ ఇప్పటికే పుష్పతో ఎంట్రీ ఇవ్వగా.. న్యాచురల్ స్టార్ నానీ కూడా శ్యామ్ సింగరాయ్ తో ఆ కోరిక తీరింది.

ఇక దీనికి ముఖ్యంగా నాంది పలికిన ప్రభాస్.. అతడి ప్రతీ సినిమా పాన్ ఇండియా లెవల్లోనే తెరకెక్కిస్తున్నాడు. ఇక హారోయిన్ల విషయానికి వస్తే.. రకుల్, రష్మిక బాలీవుడ్ లో పాగా వేసే పనిలో పడ్డారు. ప్రస్తుతం రకుల్ ప్రీత్ సింగ్ చేతిలో దాదాపు ఆరు బాలీవుడ్ సినిమాలు ఉన్నాయి. రష్మికా చేతిలో కూడా ప్రస్తుతం రెండు నుంచి మూడు బాలీవుడ్ సినిమాలు ఉన్నాయి.

ఇలా హీరోయిన్లు కూడా క్యూ కట్టేస్తున్నారు. వీరిద్దరి కంటే మంచి గుర్తింపు తెచ్చుకున్న సమంత కాస్త వెనుకపడిందనే చెప్పాలి. వీళ్లకంటే ముందుగానే గతంలో అవకాశాలు వచ్చాయి.. కానీ ఫ్యామిలీకి భయపడో మరేదైనా కారణం అయి ఆమె బాలీవుడ్ లోకి అడుగుపెట్టలేదు.

పూర్తిగా బాలీవుడ్ పై ఫోకస్..

విడాకుల తర్వాత సమంత పూర్తిగా బాలీవుడ్ పై ఫోకస్ పెట్టినట్లు తెలుస్తోంది. ఇప్పటికే ఆమె వెబ్ సిరీస్ ల ద్వారా బాలీవుడ్ ప్రేక్షకులకు పరిచయం అయింది. ఇప్పటికే ఆమె సిటాడెల్ సిరీస్ ప్రకటించిన విషయం తెలిసిందే. ఇది హాలీవుడ్ సిరీస్ రీమేక్. సిటాడెల్ హిందీతో పాటు రీజనల్ భాషల్లో కూడా విడుదల కానుంది.ఇలా ఆమె బాలీవుడ్ ప్రముఖులతో కూడా టచ్ లో ఉంటుంది. ఆమె ప్రస్తుతం శాకుంతలంలో నటించగా.. అది హిందీలో కూడా విడుదల కానుంది. తర్వాత యశోద సినిమాలో కూడా ఆమె నటిస్తోంది. ఈ సినిమా పాన్ ఇండియా లెవల్లో విడుదల కానుంది. వీటిలో ఏ ఒక్కటి విజయం సాధించినా సమంత బాలీవుడ్ లో చక్రం తిప్పడం ఖాయం. ఇలా ఆమె విడాకుల ప్రస్తావన తర్వాత కెరీర్ లో దూసుకుపోతోంది.