Sarath Babu: సీనియర్ నటుడు శరత్ బాబు కన్నుమూత.. చివరి కోరిక నెరవేరకుండానే ..?

Sarath Babu: తెలుగు, తమిళ్ భాషలలో ఎన్నో సినిమాలలో క్యారెక్టర్ ఆర్టిస్ట్ గా, హీరోగా నటించి నటుడిగా మంచి గుర్తింపు పొందిన శరత్ బాబు గురించి ప్రత్యేకంగా పరిచయం చేయాల్సిన అవసరం లేదు. ఎన్నో ఏళ్లుగా నటుడిగా రాణిస్తున్న శరత్ బాబు వయసు మీద పడటంతో సినిమాలలో నటించటం కొంతవరకు తగ్గించారు. ఇక తాజాగా శరత్ బాబు” మళ్లీ పెళ్లి ” అనే సినిమాలో కీలక పాత్రలో నటించాడు.

సీనియర్ నటుడు నరేష్, పవిత్ర లోకేష్ కీలకపాత్రలలో నటించిన ఈ సినిమాలో శరత్ బాబు కూడా ఒక ప్రధాన పాత్రలో నటించాడు. ఈ సినిమా మూడు రోజుల్లో విడుదల కానుండగా శరత్ బాబు అనారోగ్య సమస్యలతో తాజాగా సోమవారం మధ్యాహ్నం మృతి చెందాడు. శరత్ బాబు మరణంతో ఇండస్ట్రీలో తీవ్ర విషాదం నెలకొంది. ఒక గొప్ప నటుడు మరణం ఇండస్ట్రీలో అందరినీ కలిసి వేసింది. శరత్ బాబు మరణం గురించి తెలుసుకున్న సినీ ప్రముఖులు అభిమానులు ఆయన పార్థివ దేహాన్ని చూడటానికి వెళ్తున్నారు.

ఆయన మరణం గురించి ఎంతో మంది సినీ ప్రముఖులు సంతాపం తెలియజేశారు. ఇదిలా ఉండగా శరత్ బాబు తన చివరి కోరిక తీరకుండానే మరణించినట్లు తెలుస్తోంది. శరత్ బాబు చివరగా నటించిన మళ్లీ పెళ్లి అనే సినిమా మరొక మూడు రోజుల్లో విడుదల కానుండగా శరత్ బాబు సోమవారం మధ్యాహ్నం మరణించాడు. దీంతో తాను నటించిన చివరి సినిమా విడుదల కాకముందే శరత్ బాబు మరణించాడు.
అంతేకాకుండా శరత్ బాబుకి హార్స్లీ హిల్స్ లో స్థిరపడాలని కోరిక. అక్కడ స్థిరపడటం కోసం శరత్ బాబు ఇంటి నిర్మాణం పనులు కూడా చేపట్టినట్లు తెలుస్తోంది.

Sarath Babu: అక్కడ ఉండాలనే కోరిక తీరలేదా…

ఇంటి నిర్మాణం పూర్తయి అక్కడ స్థిరపడాలన్న శరత్ బాబు కోరిక నెరవేరకుండానే ఆయన అనారోగ్యంతో మృతి చెందాడు. గత కొంతకాలంగా అనారోగ్య సమస్యలతో బాధపడుతున్న శరత్ బాబు ఆరు నెలల క్రితం చెన్నై వెళ్లి చికిత్స తీసుకున్నారు. ఆ తర్వాత కొంతకాలానికి అనారోగ్యం మళ్లీ విషమించటంతో బెంగళూరులో చికిత్స పొందిన తర్వాత ఇటీవల హైదరాబాద్ లో చికిత్స తీసుకున్నారు. ఇక తాజాగా మల్టీ ఆర్గాన్ డిసార్డర్ వల్ల సోమవారం మధ్యాహ్నం 1:30 సమయంలో తుది శ్వాస విడిచాడు.