Sarathkumar: చిరంజీవి వల్లే నా అప్పులన్నీ తీరిపోయాయి… ఆయన చేసిన సాయం ఎప్పటికీ మర్చిపోలేను: శరత్ కుమార్

Sarathkumar: చిత్ర పరిశ్రమకు చెందిన వారు మాత్రమే కాకుండా ఎవరైనా అభిమానులు ఆపదలో ఉన్నారని తెలిస్తే వెంటనే ఆదుకోవడానికి ముందు వరుసలో ఉంటారు మెగాస్టార్ చిరంజీవి. ఈయన ఇండస్ట్రీలోకి ఏ విధమైనటువంటి సినీ బ్యాక్ గ్రౌండ్ ఉన్న కుటుంబం నుంచి రాలేదు.తన స్వయంకృషితో ఇండస్ట్రీలోకి అడుగుపెట్టిన ఈయన ఇండస్ట్రీలో ఒక్కో మెట్టు ఎక్కుతూ ఇండస్ట్రీలో ఆగ్ర హీరోగా పేరు సంపాదించుకున్నారు.

ఇలా ఇండస్ట్రీలో ఎంతో పేరు ప్రఖ్యాతలు సంపాదించుకున్న మెగాస్టార్ చిరంజీవి తాజాగా పుట్టిన రోజు జరుపుకోవడంతో ఆయన పుట్టినరోజు సందర్భంగా ఎంతోమంది ఆయనతో ఉన్న అనుభవాలను పంచుకున్నారు. ఈ క్రమంలోనే హాలీవుడ్ నటుడు శరత్ కుమార్ సైతం మెగాస్టార్ చిరంజీవికి మంచి స్నేహితుడు.ఈ క్రమంలోనే మెగాస్టార్ చిరంజీవి పుట్టినరోజు సందర్భంగా శరత్ కుమార్ గతంలో మెగాస్టార్ గురించి చేసిన వ్యాఖ్యలకు సంబంధించిన వీడియో ప్రస్తుతం వైరల్ అవుతుంది.

ఇందులో భాగంగా ఆయన మాట్లాడుతూ ఒకానొక సమయంలో తాను ఎన్నో అప్పుల్లో ఉండిపోయానని తెలిపారు. అయితే ఒక పేరు ఉన్న ప్రొడ్యూసర్ తన వద్దకు వచ్చి కేవలం చిరంజీవితో తనకు డేట్స్ ఇప్పిస్తే సినిమా నుంచి వచ్చే లాభాలలో తనకు వాటా ఇస్తానని చెప్పారు.అయితే చిరంజీవి ఒప్పుకుంటారో లేదో అన్న అనుమానంతో ఆయన వద్దకు వెళ్లి ఇది పరిస్థితి అని చెప్పగానే ఒక్క మాట కూడా మాట్లాడకుండా చిరంజీవి సినిమా చేయడానికి ఒప్పుకున్నారు.

Sarathkumar: రెమ్యూనరేషన్ తీసుకోలేదు…

ఈ విధంగా ఈయన సినిమా చేయడానికి ఒప్పుకోవడమే కాకుండా ఆ సినిమాకి ఎలాంటి రెమ్యూనరేషన్ కూడా తీసుకోలేదు. అంత మంచి మనసున్న వ్యక్తి చిరంజీవి అంటూ ఈయన మెగాస్టార్ గురించి చెప్పుకొచ్చారు. ఆరోజు చిరంజీవి చేసిన ఆ సాయం వల్లే తను చేసిన అప్పులు మొత్తం తీరిపోయాయని అతను చేసిన సహాయం ఎప్పటికీ మర్చిపోలేనని ఈ సందర్భంగా శరత్ కుమార్ చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.