Sarkaru Vaari Paata: సర్కారు వారి పాట సినిమా ఫస్ట్ రివ్యూ వచ్చేసింది.. సినిమా ఎలా ఉందంటే?

Sarkaru Vaari Paata: సూపర్ స్టార్ మహేష్ బాబు కీర్తి సురేష్ జంటగా నటించిన చిత్రం సర్కారీ వారి పాట.ఈ సినిమా ఈనెల 12వ తేదీన ప్రేక్షకుల ముందుకు రావడంతో పెద్ద ఎత్తున సినిమా ప్రమోషనల్ కార్యక్రమాలను నిర్వహించి సినిమాపై భారీ అంచనాలు పెంచారు. ఈ క్రమంలోనే ఈ సినిమా మరొక రోజులో విడుదల కావడంతో ఈ సినిమాకి సెన్సార్ బోర్డ్ మెంబర్ ఉమైర్ సంధు రివ్యూ ఇచ్చారు.

ఈ సందర్భంగా ఆయన మాట్లాడుతూ ఈ సినిమా చూస్తూ తాను ఎంతో ఎంజాయ్ చేశానని చెప్పుకొచ్చారు. ఈ సినిమా యాక్షన్, కామెడీ, ఎమోషన్ కలబోత అంటూ ఉమైర్ సంధు రివ్యూ ఇచ్చారు. ఈ సినిమాలో ఎక్కువ మార్కులు మహేష్ బాబు నటనకు పడతాయని ఆయన తన రివ్యూ ద్వారా వెల్లడించారు.

ఈ ఏడాది విడుదలైన సినిమాలలో తన ఫేవరెట్ సినిమా గా మహేష్ బాబు సర్కారీ వారి పాట సినిమా నిలిచిపోతుందని ఈయన కామెంట్ చేశారు. ఈ సినిమాలో మహేష్ బాబు లుక్స్‌, డైలాగ్‌ స్లాంగ్‌, కాస్టూమ్స్‌ చూసిన తర్వాత ఈ సినిమాకి 5 కి 4.5 రేటింగ్ ఇవ్వడంలో ఏ మాత్రం తప్పు లేదని చెప్పుకొచ్చారు.

పాజిటివ్ రివ్యూ ఇచ్చిన ఉమైర్ సంధు..

ఈ విధంగా ఉమైర్ సంధు మహేష్ బాబు సర్కారు వారి పాట సినిమాకు పాజిటివ్ రివ్యూ ఇవ్వడంతో మహేష్ అభిమానులు ఎంతో సంతోషం వ్యక్తం చేస్తున్నారు. ఈ క్రమంలోనే ఈ సినిమా తప్పకుండా విజయం సాధిస్తుందని అభిమానులు కూడా ధీమా వ్యక్తం చేస్తున్నారు. మహేష్ బాబు నటించిన ఈ చిత్రం బ్రేక్‌ ఈవెన్‌ సాధించాలంటే 121 కోట్లు కలెక్ట్ చేయాల్సి ఉంది.