Senior Actor Kavitha : ఎన్టీఆర్ వేరు… చంద్రబాబు నాయుడు వేరు..: సీనియర్ నటి కవిత

Senior Actor Kavitha : పదకొండేళ్ళకే సినిమా ఇండస్ట్రీలోకి అడుగుపెట్టి హీరోయిన్ గాను అలాగే సపోర్టింగ్ రోల్స్ చేస్తూ ఇటు రాజకీయాల్లోనూ ఉన్న కవిత గారు తన సినిమా కెరీర్ లో ఎదుర్కొన్న ఎన్నో అనుభవాలను పంచుకున్నారు. కవిత గారు తమిళ ఇండస్ట్రీలో మొదలు పెట్టి తెలుగులోనూ చైల్డ్ ఆర్టిస్ట్ గా చేసి ఆ తరువాత హీరోయిన్ గా అడుగుపెట్టారు. చిరంజీవి, కృష్ణ ఎన్టీఆర్ ఇలా అందరి హీరోలతో చేసిన కవిత గారు కెరీర్ మంచి పీక్స్ లో ఉన్న సమయంలో సినిమాలకు గుడ్ బై చెప్పేసారు. ఇక తను నటించే సమయానికి ఇండస్ట్రీ వాతావరణం గురించి తాజాగా యూట్యూబ్ లో ఇచ్చిన ఇంటర్వ్యూలో పంచుకున్నారు అలాగే రాజకీయాల్లో రంగప్రవేశం చేసి టీడీపీ లో ఉన్న కవిత ప్రస్తుతం బీజేపీ పార్టీ లో కొనసాగుతున్నారు.

ఎన్టీఆర్ వేరు, చంద్రబాబు వేరు…

సినిమాల్లో మంచి అవకాశాలు అందుకుంటూ రోజుకు మూడు షిఫ్ట్ లు పనిచేస్తున్న సమయంలో చెన్నై నుండి హైదరాబాద్ వచ్చి వెళ్తూ ఉండడం వల్ల ప్రొడ్యూసర్స్ కి నష్టం నీకు నష్టమే అని ప్రొడ్యూసర్ రామానాయుడు గారు, ఊరళి మోహన్ గారు చెప్పడం వల్ల హైదరాబాద్ కి వచ్చేసారట కవిత. అయితే హైదరాబాద్ వచ్చాక అవకాశాలు రాక చాలా వరకు ఖాళీగా ఉండేవారట. తెలుగు సినిమాల కోసం హైదరాబాద్ వచ్చేస్తే తెలుగులో అవకాశాలు రాకపోవడంతో చాలా ఇబ్బంది పడ్డాను.

ఆ సమయంలో తాను స్థాపించిన ఎన్జీఓ సంస్థకు ప్రభుత్వ సహాయం కోసం చంద్రబాబు గారిని కలవగా ఆయన రాజకీయాల్లోకి ఆహ్వానించి ఎమ్మెల్యే సీట్ ఇస్తాం పార్టీ తరుపున గెలిచాక విమెన్, చైల్డ్ వెల్ఫేర్ మినిస్టర్ ని చేస్తాం, మీరు ఇంకా ఎక్కువ సోషల్ సర్వీస్ చేయొచ్చు అని చెప్పడం తో పార్టీలో చేరాను కానీ నాకు ఎమ్మెల్యే టికెట్ ఇవ్వలేదు అంటూ చెప్పారు. రాజకీయాలు ఏమీ తెలియకపోయినా ఎన్టీఆర్ గారి పార్టీ తెలుగు వాళ్ళకోసం పెట్టిన పార్టీ అని అందులో చేరాను కానీ ఎన్టీఆర్ వేరు చంద్రబాబు వేరు అని ఆ తరువాత తెలిసింది అంటూ చెప్పారు. ప్రస్తుతం నరేంద్ర మోడీ గారి ఆలోచనలు పథకాలు నచ్చి బీజేపీ లో ఉన్నట్లు వివరించారు.