Senior Journalist Bhardwaja : ఎన్టీఆర్, కృష్ణ కు మధ్య గొడవలు జరిగినపుడు కైకాల సత్యనారాయణ ఏం చేసారంటే… చంద్రబాబు బాబు విషయంలో కైకాలకు అందుకే కోపం : సీనియర్ జర్నలిస్ట్ భరద్వాజ

Senior Journalist Bhardwaja : ‘సిపాయి కూతురు’ సినిమా ద్వారా సినిమా రంగ ప్రవేశం చేసిన కైకాల గారు దాదాపుగా 700 పైగా సినిమాల్లో నటించారు. అందులోనూ అన్ని రకాల పాత్రలు చేసిన ఆయన నవ నటరస సార్వభౌమ బిరుదును అందుకున్నారు. నాటకాల రంగం నుండి వచ్చిన అయన ఎస్వి రంగారావు గారి తరువాత అన్ని పాత్రాల్లోనూ ఒదిగి పోయి ఆయనను గుర్తుచేసిన నటుడు. నిర్మాతగాను కొన్ని సినిమాలను నిర్మించిన కైకాల గారు 1935 లో కృష్ణ జిల్లా గుడ్లవల్లేరు మండలం కౌతవరం గ్రామంలో జన్మించారు. ఆయనకు ఇద్దరు కుమార్తెలు, ఇద్దరు కుమారులు. డిసెంబర్ 23 శుక్రవారం తెల్లవారు జమున మరణించారు. గతేడాది కరోనా తరువాత ఆయన ఆరోగ్యం కుంటుపడిందంటూ కుటుంబ సభ్యులు కన్నీరుమున్నీరవుతున్నారు. శ్వాస తీసుకోవడంలో ఇబ్బంది పడటం, శీతకాలం కావడంతో కైకాల గారి ఆరోగ్యం క్షిణించి తుదిశ్వాస విడిచారు. ఇక ఆయన జీవిత ప్రస్థానం గురించి సీనియర్ జర్నలిస్ట్ భరద్వాజ గారు మాట్లాడారు.

ఎన్టీఆర్, కృష్ణ నడుమ కైకాల… చంద్రబాబు అంటే అందుకే నచ్చదు…

కైకాల గారు హీరోగాను, విలన్ గాను అలానే సహాయక పాత్రల్లోను ఇలా అన్ని రకాల పాత్రలు చేసిన ఆయన ఆల్ రౌండర్ అనిపించుకున్నారు. ఇక ఎన్టీఆర్ కు కైకాల గారి పర్సనాలిటి కనుముక్కు తీరు దగ్గర ఉండటం వల్ల చాలా సినిమాల్లో ఆయనకు డూప్ గా కైకాల పనిచేసారు. అలా దాదాపు ఎన్టీఆర్ గారితో కలిసి 101 సినిమాల్లో నటించారంటూ భరద్వాజ గారు తెలిపారు. ఇక ఎన్టీఆర్, కృష్ణ మధ్య ఒకానొక సమయంలో రెండు శిబిరాలు నడిచి ఇండస్ట్రీ రెండుగా చీలిన సమయంలో కృష్ణ గారు ‘కురుక్షేత్రం’ సినిమా ఎన్టీఆర్ ‘దాన వీర శూర కర్ణ’ సినిమా తీసారు. అయితే కైకాల గారు ఆ రెండు సినిమాల్లోను నటించడం విశేషం. అటు కృష్ణ గారి కురుక్షేత్రం లో దూర్యోధనుడిగా నటించిన ఆయన ఇటు ఎన్టీఆర్ సినిమా డివిఎస్ కర్ణ లో భీముడు పాత్రలో కనిపించారు.

అలా అందరితోనూ సాయోధ్యగా ఉండటం ఆయనకే చెల్లింది. రామారావు గారితో సన్నిహితంగా ఉండే కైకాల గారు ఆయన తెలుగుదేశం పార్టీ పెట్టాక అందులో చేరి ఎంపీ గా మచిలీపట్నం నుండి పోటీ చేసి గెలిచారు. ఎన్టీఆర్ గారు కైకాల గారికి మధ్య ఎంతటి సన్నిహిత్యం ఉందంటే పార్టీ పెట్టాలని ఆలోచించినపుడు కూడా కైకాల గారి సలహా ఎన్టీఆర్ తీసుకున్నారట. అయితే ఎంపీ గా పనిచేసిన కైకాల గారికి రాను రాను పార్టీలో ప్రాధాన్యత తగ్గిందని, చంద్రబాబు నాయుడు గారు కైకల గారిని రాజ్యసభకు పంపలేదని కోపంతో పార్టీ కి వారికి దూరంగా ఇన్నేళ్లు ఉన్నారంటూ భరద్వాజ గారు ఆయన గురించిన వివరాలను తెలిపారు.