Senior Journalist Bhardwaja : కాంతార తో పోటీపడలేక బొక్కబోర్లా పడ్డ నాలుగు సినిమాలు… అంచనాలకు మించి రికార్డులు సృష్టిస్తున్న కాంతార హిట్ వెనుక ప్రధాన కారణాలు ఇవే : సీనియర్ జర్నలిస్ట్ భరద్వాజ

Senior Journalist Bhardwaja : ప్రస్తుతం సౌత్ ని ఉపేస్తున్న సినిమా కాంతార. ఎక్కడ చూసినా ఈ సినిమా గురించే మాట్లాడుకుంటూ ఉన్నారు. అసలు ఏ మాత్రం ప్రచారం లేకుండా వచ్చిన ఈ సినిమా ఇప్పుడు వసూళ్లలో కేజీఎఫ్, ఆర్ఆర్ఆర్ లను మించి పోయింది. ఐఎండిబి రేటింగ్స్ లో కూడా ఈ రెండు సినిమాలను దాటేసింది. కన్నడ చిత్రమైనా ఇతర భాషల్లో కూడా మంచి రెస్పాన్స్ తో పెద్ద సినిమాలను కుడా పక్కకు నెట్టి దూసుకుపోతోంది ఈ సినిమా. కాంతార సినిమాను రిషబ్ శెట్టి తన సొంతూరు లో జరిగిన యధార్థ ఘటనల ఆధారంగా తెరకెక్కించాడు. ఇక ఈ సినిమాలో హీరో కూడా రిషబ్ శెట్టి నే దేవుడితో మాట్లాడే వారి తెగ గురించి ప్రపంచానికి ఈ సినిమా ద్వారా పరిచయం చేసాడు రిషబ్ శెట్టి.

సినిమా విజయానికి అదే కారణం…

ఇక కాంతార సినిమా తెలుగు ఆడియన్స్ కి కూడా బాగా నచ్చింది. ఇప్పటికీ హౌస్ ఫుల్ కలెక్షన్స్ తో ఆకట్టుకుంటున్న ఈ సినిమా విజయాన్ని కారణాలను సీనియర్ జర్నలిస్ట్ భరద్వాజ గారు వివరించారు. సినిమా నేటివిటీకి సంబంధించినది కావడం, గ్రాఫిక్స్ ఏమీ లేకున్నా సహజంగా సినిమాను తీయడం వల్ల జనాలకు సినిమా బాగా నచ్చింది. ఇక సినిమాలో హీరో అంటూ ఏమాత్రం స్పెషల్ గా చూపించకుండా తమ వాళ్లలో ఒకడిగా సినిమాలో హీరోని డైరెక్టర్ చూపించడంలో కూడా సక్సెస్ అయ్యాడు. ఇప్పుడొస్తున్న గ్రాఫిక్స్ సినిమాల నడుమ జనాలకు కొత్తదనాన్ని ఎక్స్పీరియన్స్ చేశారు.

సినిమాను చూడటం కాదు అనుభూతి చెందాలి, దీపావళికి విడుదల అయిన సినిమాలలో అది కాంతార సినిమాలో మాత్రమే ఉంది మరే సినిమా అందుకు దగ్గర్లో లేకపోవడం వల్ల ఇంకా సినిమాను జనాలు చూస్తున్నారు. ఇక ఈ సినిమాను అడ్డుకోగల సినిమా ప్రస్తుతం లేదు కానీ తాజాగా విడుదల అయిన కార్తీ సినిమా ‘సర్ధార్’ కొంతవరకు ప్రేక్షకులను మెప్పిస్తుంది. అది కూడా నేటివిటీ సమస్యలతోనే వచ్చిన సినిమా కాకపోతే జనాలకు సినిమా కాన్సెప్ట్ అర్థమవడానికి టైం పడుతుంది అంటూ భరద్వాజ అభిప్రాయపడ్డారు.