Senior Journalist Imandhi Ramarao : వేలకోట్ల ఆస్తులను కృష్ణ ఎలా మిస్ చేసుకున్నాడంటే : సీనియర్ జర్నలిస్ట్ ఇమంది రామారావు

Senior Journalist imandhi ramarao : సూపర్ స్టార్ కృష్ణ గారు ఎన్టీఆర్ తరువాత అంతటి మాస్ ఫాలోయింగ్ ను సంపాదించుకున్నా హీరో. కష్టపడి పైకి వచ్చి ఆయనకంటూ ఒక కొత్త ఇమేజ్ ను సృష్టించుకుని అశేష తెలుగు ప్రేక్షకుల అభిమానాన్ని సంపాదించుకున్నారు. ఆయన కెరీర్ లో ఎన్నో సూపర్ హిట్ సినిమాలు ఉన్నాయి అంతకు మించి మైలు రాయి వంటి చిత్రాలు ఎన్నో ఉన్నాయి. కానీ ఆయన మిగతా హెరోలతో పోలిస్తే సంపాదించింది చాలా తక్కువ. అందరిలా ఆయన రెమ్యూనరేషన్ తీసుకుని ఉంటే ఆయన ఈరోజు కోట్ల ఆస్తులను సంపాదించిండేవాడు కానీ ఆయన ఎందుకు అలా చేయలేదు అనే విషయాలను సీనియర్ సినిమా జర్నలిస్ట్ ఇమంది రామారావు గారు మాట్లాడారు.

నిర్మాతల హీరోగా ఉన్న కృష్ణ…

కృష్ణ గారికి సినిమాలంటే ఎంత ఇష్టమంటే ఆయన ఆరోగ్యాన్ని లెక్కచేయకుండా 3 షిఫ్ట్లు పనిచేసి ఏడాదికి పదిహేడు సినిమాలలో నటించేవారు. పడుకున్నప్పుడు కూడా ఆయన నిద్రపోతున్న సీన్స్ ఏవైనా ఉంటే తీసుకోమని చెప్పవారట. ఇక ఒక సినిమాను ఎక్కువ రోజులు లాగ్ చేయకుండా వీలైనంత త్వరగా పూర్తి చేసేవారు. ఇవన్నీ ఒకటి ఆయన రెమ్యూనరేషన్ విషయంలో వ్యవహరించిన తీరు ఒకెత్తు అంటూ ఇమంది గారు అభిప్రాయపడ్డారు. ఒక సినిమాకు అప్పట్లో ఆయన పదహైదు వేలు రెమ్యూనరేషన్ తీసుకునేవారు. ఆయన మార్కెట్ కి అది చాలా తక్కువ అయినా కానీ నిర్మాతను ఇబ్బంది పెట్టకూడదని అలా చేసేవారు.

ఇక గూడాచారి వంటి సినిమా సూపర్ హిట్ అయినా ఆయన రెమ్యూనరేషన్ పెంచలేదు. ఇరవైవేలు ఇస్తామని మొదట చెప్పి సినిమా చేసాక ఎగొట్టిన వారు ఎందరో అయినా వారితో మళ్ళీ సినిమాలను చేశారు. ఇక చెల్లని చెక్కులు ఎన్ని ఉంటాయో ఆయన దగ్గర వివరిస్తూ ఆ చెక్కులను పద్మాలయా స్టూడియో మొత్తం తోరణాలు కట్టినా ఇంకా మిగులుతాయి అంటూ నవ్వేవారట. అలా ఆయన అందరిలా రెమ్యూనరేషన్ తీసుకుని ఉంటే ఆయనిచ్చిన సూపర్ హిట్లకు తగ్గ రెమ్యూనరేషన్ తీసుకొని ఉంటే ఆయన ఇపుడు కొన్ని వేలకోట్లు సంపాదించినవాడయ్యేవాడు అంటూ ఇమంది గారు అభిప్రాయపడ్డారు.