Senthil Kumar : నాకు, రాజమౌళికి మధ్య విభేధాలు.. నాకు తెలిసిందే కరెక్ట్ అనుకుంటే మీ దగ్గరే పెట్టుకోండి : సెంథిల్ కుమార్

Senthil Kumar : ‘ఐతే’ సినిమాతో సినిమా ఇండస్ట్రీ లోకి అడుగుపెట్టిన కెమెరామెన్ సెంథీల్ కుమార్, ఆ సినిమా తరువాత దర్శకాధీరుడు రాజమౌళి తో కలిసి చాలా సినిమాలకు పని చేసారు. చేసినవి కొన్ని సినిమాలే అయినా వచ్చిన ప్రశంసలు, అవార్డులు మాత్రం చాలా. అందుకే కొన్ని సినిమాలే చేశాను అన్న అసంతృప్తి నాకు లేదంటాడు సెంథీల్ కుమార్. సికింద్రాబాద్ బొల్లారం కి చెందిన సెంథీల్ సినిమాటోగ్రఫీ లో డిగ్రీ చేసి సినిల్లోకి వచ్చారు. ఆయన కెమెరామెన్ గ పనిచేసిన మగధీర, ఈగ సినిమాలు ఆయనకు మంచి గుర్తింపు, పేరు తెచ్చిపెట్టాయి.

రాజమౌళి తో విభేదాలు నిజమే…

దర్శకాశధీరుడు రాజమౌళి తో కలిసి ఆయన సినిమాలకు పని చేసిన సెంథీల్ అయనతో వర్క్ చేయడం ఎలా ఉంటుందో పంచుకున్నారు. జక్కన్న పని రాక్షసుడు ఇది అందరికీ తెలిసిన విషయం. ఒకపట్టాన పని ఒప్పుకోడు. అలాంటి జక్కన్నతో పని చేయడం అంటే అంత ఈజీ కాదు. ఇక సెంథీల్ కు రాజమౌళి కి పని విషయంలో ఎప్పుడైనా విభేధాలు వచ్చాయా అని అడుగగా ఎవరికైనా ఇద్దరు వ్యక్తులు కలిసి పనిచేస్తున్నపుడు, చివరికి భార్య భర్తలైనా ఒక విషయంలో అభిప్రాయ బేధాలు రావడం మామూలే. ఇక పనిలో మాకు అభిప్రాయబేధాలు వస్తుంటాయి. కానీ మేము అంతిమంగా కోరుకునేది సినిమా అవుట్ పుట్ బాగా రావాలని కాబట్టి ఇద్దరం ఈ విషయంలో సర్దుబాటు చేసుకుంటాము.

నాకు తెలిసిందే కరెక్ట్ అని పోతే ముందుకు సాగలేవు. కొత్తది నేర్చుకుంటేనే ముందుకెళ్తాము ఈ పోటీ ప్రపంచంలో. అందుకే ప్రతి సినిమాకు నేను కెమెరా విషయలో, పని విషయంలో అప్ గ్రేడ్ అవుతుంటాను అంటూ చెప్పారు. మగధీర సినిమాకు పని చేయడం మంచి అనుభవమని అది మళ్ళీ తీసిన ఈగ లాంటి విజువల్ వండర్ సినిమాకు ఉపయోగపదిందని చెప్పారు. ఇక సల్మాన్ ఖాన్ తో దబాంగ్ రెండవ భాగం కోసం పనిచేసాను కానీ కొన్ని కారణాల వల్ల ఆ సినిమా నుండి తప్పుకున్నాను. బాలీవుడ్ సూపర్ స్టార్ తో సినిమా మిస్ అయ్యానని బాధపడ్డాను కానీ ఈగ లాంటి సినిమాకు పనిచేసే అవకాశం రావడంతో ఆ బాధను మర్చిపోయాను అంటూ చెప్పారు సెంథీల్ కుమార్.