Serial Artist Sripriya : కొడుకులు లేరని బాధపడ్డా… నా గురువు, నా ఫ్రెండ్ అన్నీ భర్తే… ఎమోషనల్ అయిన సీరియల్ నటి శ్రీప్రియ…!

Serial Artist Sripriya : సంధ్యా రాగం సీరియల్ తో అనుకోకుండా బుల్లితెర మీద అడుగుపెట్టిన నటి శ్రీప్రియ. అయితే ఈ పేరుతో ఈమెను గుర్తు పట్టడం కష్టం. కానీ ‘మొగలిరేకులు’ సీరియల్ లో రజనీ అనగానే అందరికీ టక్కున గుర్తొస్తుంది. అందులో హీరోయిన్ దేవి తల్లిగా నటించిన శ్రీప్రియ మంచి గుర్తింపు తెచ్చుకున్నారు. ప్రస్తుతం జీ తెలుగులో ప్రసారమవుతున్న ‘వైదేహి పరిణయం’ సీరియల్ లో దేవాన్ష్ తల్లిగా నటిస్తున్న ఆమె తన కెరీర్ అలాగే వ్యక్తిగత జీవితం గురించి ఇంటర్వ్యూలో పంచుకున్నారు.

నా గురువు, ఫ్రెండ్ అన్నీ భర్తే…

శ్రీప్రియ గారు అసలు ఇండస్ట్రీ వైపు రావాలని అనుకోలేదు, ఏనాడూ ఆలోచించలేదట. అయితే ఆమె భర్త డైరెక్టర్ శ్రీకర్ గార సొంత నిర్మాణంలో మరికొందరి భాగస్వామ్యంలో సీరియల్ చేయాలని అనుకుంటే షూటింగ్ మొదలయ్యే సమయానికి హీరోయిన్ అందుబాటులో లేకపోయే సరికి చెల్లి సలహాతో తన భార్య శ్రీప్రియను హీరోయిన్ గా పెట్టి సంధ్యా రాగం సీరియల్ చేశారట. అలా బుల్లితెర మీద అడుగుపెట్టిన శ్రీప్రియ గారికి ఇక ఆ సీరియల్ చాలు అనుకున్న సమయంలో మంజుల నాయుడు గారి నుండి ఫోన్ వచ్చి మొగలిరేకులు ఆఫర్ రావడంతో ఆడిషన్ వెళితే మూడు నెలలు దాటక షూటింగ్ కి పిలుపు వచ్చిందట.

అలా రజనీ పాత్రలో మెప్పించిన శ్రీప్రియ గారికి కెమెరా ముందు ఎలా నిల్చొవాలి, ఎలా మేకప్ సెట్ చేయాలి లైటింగ్ ఎలా చూసుకోవాలి వంటి విషయాలను ఆమె భర్త శ్రీకర్ గారే నేర్పించారట. అందుకే ఆమె భర్తే తనకు గురువు, ఫ్రెండ్ అన్నీ అంటూ చెప్తారు. ఇక కొడుకులు లేరనే భాధ ఉండేదని అయితే చలా సీరియల్స్ లో ఎక్కువగా హీరోలకు తల్లి పాత్ర చేయడం వల్ల ఆ లోటు కూడా తీరిపోయిందని చెప్పారు శ్రీప్రియ.