మూడుముళ్ల బంధంతో ఒక్కటైన సీరియల్ నటి ఆషికా.. చేతన్ ఫోటోలు వైరల్!

బుల్లితెర నటీనటులు ఒక్కొక్కరుగా మూడుముళ్ల బంధంతో వైవాహిక జీవితంలోకి అడుగు పెడుతున్నారు. ఈ క్రమంలోనే బుల్లితెరపై ప్రసారమైన కథలో రాజకుమారి అనే సీరియల్ ద్వారా తెలుగు ప్రేక్షకులకు పరిచయమైన నటి ఆషికా గురించి ప్రత్యేకంగా చెప్పాల్సిన పనిలేదు.నటించిన మొదటి సీరియల్ తోనే విశేష ప్రేక్షకాదరణ సంపాదించుకున్న ఈమె గత ఏడాది బిజినెస్ మెన్ చేతన్ అనే వ్యక్తితో నిశ్చితార్థం జరుపుకున్నారు.

ఈ క్రమంలోనే గత ఏడాది బెంగళూరులోని ప్రముఖ హోటల్లో ఎంతో ఘనంగా నిశ్చితార్థం జరుపుకున్న ఈమె ఒక కార్యక్రమంలో భాగంగా తనకు కాబోయే భర్తను అందరికీ పరిచయం చేసింది. ఇదిలా ఉండగా సోమవారం ఈమె మూడుముళ్ల బంధంతో వైవాహిక జీవితంలోకి అడుగు పెట్టారు. కేవలం కుటుంబ సభ్యులు అత్యంత సన్నిహితుల సమక్షంలో ఈమె పెళ్లి ఎంతో అంగరంగ వైభవంగా జరిగింది.

ఇదిలా ఉండగా తాజాగా ఆషికా చేతన్ పెళ్లికి సంబంధించిన ఫోటోలను సోషల్ మీడియాలో షేర్ చేయడంతో ఈ ఫోటోలు సోషల్ మీడియాలో వైరల్ గా మారాయి. ఈ క్రమంలోనే పలువురు నటీనటులు అభిమానులు ఈమెకు శుభాకాంక్షలు తెలియజేస్తున్నారు. ఈ క్రమంలోనే ఈ నటి మాట్లాడుతూ తను పెళ్లి తర్వాత కూడా సీరియల్స్ లో చేస్తానని వెల్లడించారు.

కథలో రాజకుమారి సీరియల్ ద్వారా విశేష ప్రేక్షకాదరణ సంపాదించుకున్న ఈమె ప్రస్తుతం జీ తెలుగులో ప్రసారం అవుతున్న త్రినయని అనే సీరియల్ లో నటిస్తున్నారు. అత్యంత ప్రేక్షకాదరణ పొందిన ఈ సీరియల్ జీ తెలుగులో టాప్ రేటింగ్ సంపాదించుకుని దూసుకుపోతుంది.