Shakeela: సొంత వాళ్లను నమ్మి రెండు కోట్ల రూపాయలు నష్టపోయిన షకీలా.. చివరికి ఏం చేసిందంటే?

Shakeela: తెలుగు సినిమా ఇండస్ట్రీలో శృంగార తారగా ఎన్నో సినిమాలలో నటించి మంచి గుర్తింపు సంపాదించుకున్న షకీలా అందరికీ సుపరిచితమే.ఎన్నో సినిమాలలో నటించి మంచి గుర్తింపు సంపాదించుకున్న ఈమె సినిమాలతో డబ్బు బాగా సంపాదించినప్పటికీ ఆర్థికంగా నిలదొక్కుకోలేకపోయింది. ప్రస్తుతం ఈమెకు సినిమా అవకాశాలు తగ్గిపోవడంతో ఆర్థికంగా కూడా ఎన్నో సమస్యలను ఎదుర్కొంటున్నట్లు తెలుస్తోంది.

తాజాగా ఒక ఇంటర్వ్యూలో పాల్గొన్న షకీలా తన సినిమాలలో సంపాదించిన డబ్బును మొత్తం అయిన వాళ్లను నమ్మి దారుణంగా మోసపోయినట్లు వెల్లడించారు. తన సినిమాలలో సంపాదించిన డబ్బులు సుమారు రెండు కోట్ల వరకు తన అక్కను నమ్మి అక్క చేతిలో పెట్టాను. అయితే తన అక్కే తనని దారుణంగా మోసం చేసిందని ఈ సందర్భంగా షకీలా వెల్లడించారు.

ఒకానొక సమయంలో వెళ్లి తన అక్కని డబ్బులు అడిగితే తాను వేరే వ్యక్తిని నమ్మి మోసపోయానని సమాధానం చెప్పింది.ఈ విధంగా అక్క తనకు మోసం చేసిన తాను అక్కతో మాట్లాడే దాన్ని కానీ అక్క తనతో మాట్లాడలేదని షకీలా తెలిపారు. తనతో మాట్లాడకూడదని అక్కకు తన కుటుంబ సభ్యులు చెప్పడంతో తనతో మాట్లాడలేదని షకీలా తెలిపారు.ఈ విధంగా తన సొంత అక్కని నమ్మి తాను రెండు కోట్ల రూపాయలు నష్టపోయానని ఈ సందర్భంగా ఈమె వెల్లడించారు.

అవకాశాలు లేకపోవడంతో ఇండస్ట్రీకి దూరం..

బయట వ్యక్తులు ఎవరైనా మనల్ని మోసం చేస్తే మనం వెళ్లి పోలీస్ కంప్లైంట్ ఇచ్చి న్యాయం కోసం పోరాటం చేయవచ్చు. కానీ సొంత వాళ్లే మోసం చేస్తే పోలీసులకు కంప్లైంట్ ఎలా ఇస్తామని ఈ సందర్భంగా షకీలా పోలీస్ కంప్లైంట్ ఇవ్వకుండా పెద్దఎత్తున డబ్బును నష్టపోయినట్లు ఈ ఇంటర్వ్యూ సందర్భంగా వెల్లడించారు. ఒకానొక సమయంలో ఇండస్ట్రీలో ఓ వెలుగు వెలిగిన షకీల ప్రస్తుతం ఎలాంటి అవకాశాలు లేక ఇండస్ట్రీకి దూరమయ్యారు.