Shakila: ఆ స్టార్ హీరో తండ్రి నన్ను కమిట్మెంట్ అడిగారు… గదికి వస్తే అవకాశం ఇస్తా అన్నారు: షకీలా

Shakila: సినిమా ఇండస్ట్రీలో కమిట్మెంట్స్ ఉండడం సర్వసాధారణం ఇండస్ట్రీలోకి రావాలనుకునే వారికి అవకాశాలు రావాలి అంటే కొంతమంది దర్శక నిర్మాతలు కమిట్మెంట్స్ అడుగుతూ ఉంటారు అయితే చాలామంది ఇలాంటి వాటిని రిజెక్ట్ చేయడం మరికొందరు తప్పనిసరి పరిస్థితులలో కమిట్మెంట్ ఇస్తూ ఉంటారు. ఇలా ఇండస్ట్రీలో హీరోయిన్స్ ఎదుర్కొనే ఇబ్బందుల గురించి ఇదివరకే ఎంతో మంది బహిరంగంగా మాట్లాడిన సందర్భాల్లో ఉన్నాయి.

తాజాగా నటి షకీలా కూడా ఒక యూట్యూబ్ ఛానల్ ఇంటర్వ్యూకి హాజరై ఇండస్ట్రీలో ఆమె ఎదుర్కొన్నటువంటి కమిట్మెంట్స్ గురించి కూడా మాట్లాడుతూ చేసినటువంటి వ్యాఖ్యలు వైరల్ అవుతున్నాయి. ఇండస్ట్రీలో హీరోగా ఎంతో మంచి గుర్తింపు సంపాదించుకున్నటువంటి అల్లరి నరేష్ తండ్రి ప్రముఖ డైరెక్టర్ ఇవివి సత్యనారాయణ తనని కమిట్మెంట్ అడిగారు అంటూ ఈమె కామెంట్ చేశారు.

ఇవివి సత్యనారాయణ దర్శకత్వంలో తాను ఒక సినిమాలో నటించానని అయితే ఈ సినిమాలో నటిస్తున్న సమయంలోనే ఆయన నన్ను కమిట్మెంట్ అడిగారని తెలిపారు. తనకోసం గదికి రావాలని ఇలా గదిలోకి వస్తే మరో సినిమాలో కూడా అవకాశం కల్పిస్తానని ఆయన చెప్పినట్లు ఈమె తెలిపారు.ఆ సమయంలో తాను మాట్లాడుతూ.. ఈ సినిమాలో నేను నటించినందుకు మీరు డబ్బులు ఇచ్చారు నాకు మరొక సినిమాలో ఛాన్స్ అవసరం లేదు అంటూ మొహం మీదే చెప్పానని షకీలా తెలిపారు.

సినిమా అవకాశమిస్తానని చెప్పారు…

ఈ విధంగా ప్రముఖ డైరెక్టర్ ఇవివి సత్యనారాయణ గురించి షకీలా చేసినటువంటి కామెంట్స్ సంచలనంగా మారాయి. అయితే నేను ఈ విషయాన్ని ఏ హీరో అడిగినా చెబుతాను అంటూ కూడా ఈమె సవాల్ చేశారు అయితే కొందరు మాత్రం ఈ వ్యాఖ్యలపై స్పందిస్తూ చనిపోయినటువంటి డైరెక్టర్ పట్ల ఈ విధమైనటువంటి వ్యాఖ్యలు చేయడం సరికాదు అంటూ కూడా కామెంట్స్ చేస్తున్నారు.