Shruthi Hassan: హీరోలకేమో జాకెట్స్ ఇస్తారు… హీరోయిన్స్ అలా చేయాల్సిందే… దయచేసి ఇలాంటివి ఆపండి: శృతిహాసన్

Shruthi Hassan: వెండితెర నటిగా పలు సినిమాలలో నటిస్తూ అగ్రతారగా ఎంతో మంచి గుర్తింపు సంపాదించుకున్న వారిలో నటి శృతిహాసన్ ఒకరు.ఇలా వరుస సినిమాలలో నటిస్తూ అగ్రతారగా ఎంతో పేరు ప్రఖ్యాతలు సంపాదించుకున్న ఈమె ప్రస్తుతం పాన్ ఇండియా సినిమాలలో నటించే అవకాశాలను కూడా అందుకున్నారు. క్రాక్ సినిమా ద్వారా రీ ఎంట్రీ ఇచ్చిన శృతిహాసన్ ప్రస్తుతం వరుస సినిమాలతో బిజీగా ఉన్నారు.

ఇక ఈ ఏడాది మొదట్లో బాలకృష్ణ చిరంజీవి హీరోలుగా నటించిన వీర సింహారెడ్డి,వాల్తేరు వీరయ్య సినిమాల ద్వారా ప్రేక్షకుల ముందుకు వచ్చి ఏకంగా రెండు సినిమా విజయాలను తన ఖాతాలో వేసుకున్నారు. ఇలా వరుస సినిమాలలో నటిస్తూ ఎంతో బిజీగా ఉన్న శృతిహాసన్ తాజాగా ఒక ఇంటర్వ్యూలో పాల్గొని వాల్తేరు వీరయ్య లో నటించిన ఓ పాట గురించి పరోక్షంగా సంచలన వ్యాఖ్యలు చేశారు.

ప్రస్తుత కాలంలో ప్రతి ఒక్క సినిమాలోను మంచు కొండల్లో పాటలను చిత్రీకరించడం సర్వసాధారణం. వాల్తేరు వీరయ్య సినిమాలో కూడా ఇలా మంచుకొండల్లో ఓ పాటను చిత్రీకరించారు. ఇలా మంచు కొండల్లో మంచు కురుస్తున్న సమయంలో పాటలను చిత్రీకరించడం చాలా కష్టం అంటూ ఈమె చెప్పుకొచ్చారు.ఈ సందర్భంగా శృతిహాసన్ మాట్లాడుతూ ఇలాంటి పాటలలో నటించే సమయంలో హీరోలకు జాకెట్స్ వేస్తారు.

Shruthi Hassan:కనీసం కోట్ ఇవ్వరు…

ఇక హీరోయిన్లకు కనీసం కోట్,సాలువ వంటివి కూడా ఇవ్వరని కేవలం చీర జాకెట్ తో మంచు కురుస్తున్న సమయంలో గడ్డకట్టే చలిలో కూడా డాన్స్ చేయాల్సి వస్తుందని తెలిపారు. దయచేసి హీరోయిన్ల పట్ల ఇలాంటివి ఆపండి,తాజాగా తాను కూడా ఇలాంటి అనుభవాన్ని ఎదుర్కొన్నానని ఈ సందర్భంగా శృతిహాసన్ చేసిన కామెంట్స్ వైరల్ అవుతున్నాయి.