Sruthi Hassan: దక్షిణాది సినిమా ఇండస్ట్రీలో స్టార్ హీరో కమల్ హాసన్ కుమార్తెగా ఇండస్ట్రీలోకి అడుగు పెట్టిన శృతిహాసన్ కెరియర్ మొదట్లో ఎన్నో పరాజయాలను ఎదుర్కొంది. ఇలా ఇండస్ట్రీలోకి వచ్చిన మొదట్లోనే వరుస ఫ్లాప్ చిత్రాలను చవిచూసిన ఈమెను ఇండస్ట్రీకి ఐరన్ లెగ్ అంటూ ఐరన్ లెగ్ అనే ముద్ర వేశారు. అయితే శృతిహాసన్ తనపై పడిన ఈ ముద్రను అతి తక్కువ సమయంలోనే చెరిపేసిందని చెప్పవచ్చు.
హరీష్ శంకర్ దర్శకత్వంలో పవన్ కళ్యాణ్ హీరోగా తెరకెక్కిన గబ్బర్ సింగ్ సినిమా ద్వారా ప్రేక్షకుల ముందుకు వచ్చిన శృతి హాసన్ ఈ సినిమాతో బ్లాక్ బస్టర్ విజయాన్ని అందుకుంది. ఇలా బలుపు, శ్రీమంతుడు, సరైనోడు వంటి వరుస చిత్రాలతో స్టార్ హీరోయిన్ గా మారిపోయిన ఈమె తన ప్రేమ వ్యవహారాల కారణంగా నిత్యం వార్తల్లో నిలుస్తున్నారు.
ఇంతకుముందు విదేశీ వ్యక్తితో ప్రేమలో పడిన శృతిహాసన్ తనని పెళ్లి చేసుకునే వరకు వీరి వ్యవహారం వెళ్ళింది. అయితే కొన్ని మనస్పర్థల కారణంగా అతని తో విడిపోయిన ఈమె గత కొంత కాలం నుంచి శంతను హజారికాతో ఎంతో చనువుగా ఉంటున్నారు. ఈ క్రమంలోనే పలు సందర్భాలలో వీరిద్దరూ చెట్టాపట్టాలేసుకుని తిరుగుతూ మీడియా కంట పడటంతో వీరిద్దరూ ప్రేమలో ఉన్నారని పెద్ద ఎత్తున వార్తలు చక్కర్లు కొడుతున్నాయి.
Sruthi Hassan: నీకు ఎంతమంది గర్ల్ ఫ్రెండ్స్ ఉన్నారో చెప్పు..
ఇలా నిత్యం ఏదో ఒక విషయం ద్వారా వార్తల్లో నిలిచే శృతిహాసన్ ఇంస్టాగ్రామ్ లైవ్ ద్వారా అభిమానులతో ముచ్చటించింది. ఈ క్రమంలోనే ఒక నెటిజన్ ఈమెను ప్రశ్నలడుగుతూ ‘ఎంత మంది బాయ్ ఫ్రెండ్స్ తో బ్రేక్ అప్ చెప్పుకున్నావు’ అంటూ ప్రశ్నించారు. తన ఉద్దేశం అర్థం చేసుకున్న శృతిహాసన్ ముందు నీకు ఎంతమంది గర్ల్ ఫ్రెండ్స్ ఉన్నారో చెప్పు.. ఎవరూ లేరనుకుంటాను. జీరో లేదా హాఫ్ గర్ల్ ఫ్రెండ్ ఉండి ఉంటుందని శృతి హాసన్ ఘాటుగా స్పందిస్తూ అతని నోరు మూయించింది.