Bullet Song : రామ్ సినిమా కోసం శింబు పాడిన పాట ప్రోమో వచ్చేసింది… రామ్ తో స్టెప్పులేసిన కృతి శెట్టి..

Simbu bullet song promo was released : ప్రస్తుతం పోతినేని రామ్ హీరోగా ది వారియర్ అనే సినిమా చేస్తున్నాడు అన్న సంగతి తెలిసిందే. సింగం సిరీస్ ల దర్శకుడు లింగుస్వామి మొదటిసారి రామ్ కాంబినేషన్ లో ఈ సినిమా రానుండటంతో దీని మీద అంచనాలు పెరిగాయి. పోతినేని రామ్ కూడా ఈ సినిమా విజయం మీద చాలా నమ్మకాలు పెట్టుకున్నాడు. ఈ సినిమాలో రామ్ పోతినేని సరసన హీరోయిన్ గా ఉప్పెన సినిమా తో అందరినీ ఆకట్టుకున్న కృతి శెట్టి నటిస్తోంది.

ఇస్మార్ట్ శంకర్, రెడ్ వంటి సినిమాల తర్వాత రామ్ పోతినేని నటిస్తున్న ది వారియర్ సినిమాలో మొదటిసారి రామ్ పోలీస్ అధికారిగా కనిపించనున్నారు. లింగస్వామి హీరోని పోలీస్ అధికారి గా చూపించడంలో ఎంత దిట్ట నో మనందరికీ తెలిసిందే. ప్రస్తుతం ఈ సినిమా షూటింగ్ చివరి దశలో ఉండగా ప్రమోషన్ కార్యక్రమాలు చిత్రబృందం అప్పుడే మొదలు పెట్టేసారు.

శింబు పాడిన బుల్లెట్ సాంగ్ ప్రోమో విడుదల….

తమిళ్, తెలుగు ద్విభాషా చిత్రంగా వస్తున్న ఈ సినిమాలో శింబు తన గొంతు సవరించుకున్నాడు అన్న సంగతి తెలిసిందే. శంభు ఈ సినిమా కోసం తమిళ్ తెలుగు రెండు భాషల్లోనూ ఒక పాట పాడాడు. ఇటీవలనే సింధు ది వారియర్ సినిమా కోసం బుల్లెట్ సాంగ్ అనే పాటలు పాడుతున్నారు అని చిత్రబృందం తెలియజేశారు. ఇక తాజాగా ఆ పాటకు సంబంధించిన ప్రోమోని విడుదల చేశారు. మంచి మాస్ బీట్ తో ఈ పాట ఉండబోతోంది అని ప్రమోతోనే అర్థం ఐపోతోంది.

ఇక ఈ ప్రోమోలో రామ్ ఇంకా కృతి శెట్టి స్టెప్పులతో అదరగొట్టారు.దేవి శ్రీ మ్యూజిక్ కూడా ఆకట్టుకుంటింది.ఈ పాటకి సంబంధించిన పూర్తి లిరికల్ వీడియో ఈనెల 22వ తేదీన విడుదల చేయబోతున్నారు. ఈ పాటకు శ్రీమణి సంగీతం అందించారు. ఇక శింబు రామ్ సినిమాలో తాను పాట పాడినందుకు చాలా సంతోషంగా ఉంది అని తెలియజేశారు.