Sitara: మహేష్ కూతురు సితారకు స్పెషల్ గిఫ్ట్ పంపిన అలియా భట్… ఫోటోలు వైరల్!

Sitara: టాలీవుడ్ సూపర్ స్టార్ మహేష్ బాబు గారాల పట్టి సితార గురించి ప్రత్యేకంగా పరిచయం అవసరం లేదు. సితార ఇంత చిన్న వయసులోనే సోషల్ మీడియాలో చాలా యాక్టివ్ గా ఉంటూ తనకంటూ ప్రత్యేకమైన గుర్తింపు సంపాదించుకున్నారు. ఎప్పటికప్పుడు తన డాన్స్ వీడియోలతో పాటు తన వెకేషన్ కి సంబంధించిన విషయాలను అభిమానులతో పంచుకుంటూ ఉంటారు.

ఇలా సితార సోషల్ మీడియాలో ఎంతో యాక్టివ్ గా ఉంటూ అన్ని విషయాలను అభిమానులతో పంచుకోవడం వల్ల ఈమెకు సోషల్ మీడియాలో కూడా విపరీతమైన ఫ్యాన్ ఫాలోయింగ్ ఉందనే చెప్పాలి. ఇకపోతే తాజాగా సోషల్ మీడియా వేదికగా సితార తనకు ప్రముఖ బాలీవుడ్ నటి ఆలియా భట్ నుంచి వచ్చిన సర్ప్రైజ్ గిఫ్ట్ గురించి వెల్లడించారు.

అలియా భట్ ఈ మధ్యకాలంలో టాలీవుడ్ సెలబ్రిటీలకు వారి పిల్లలకు పెద్ద ఎత్తున దుస్తులను పంపిస్తూ సర్ప్రైజ్ చేస్తున్నారు.గత కొద్ది రోజుల క్రితం ఎన్టీఆర్ పిల్లలకు దుస్తులు పంపిన అలియా భట్ ఉపాసనకు కూడా ప్రెగ్నెన్సీ సమయంలో తనకు అవసరమయ్యే దుస్తులను పంపించారు. అయితే తాజాగా సితారకు సైతం దుస్తులను పంపిస్తూ తనని సర్ప్రైజ్ చేశారు.

Sitara: దుస్తులను గిఫ్ట్ గా పంపిన అలియా..

ఈ క్రమంలోనే అలియా భట్ పంపిన ఈ దుస్తులను ఈమె సోషల్ మీడియా వేదికగా షేర్ చేస్తూ తనకు ప్రత్యేకంగా కృతజ్ఞతలు తెలియజేయడమే కాకుండా తన కుటుంబంలో తనని భాగం చేసుకున్నందుకు ధన్యవాదాలు అంటూ పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారింది.