Siva Balaji: వ్యాపారాలలో నష్టాలు…. ఆ సమయంలో డిప్రెషన్ లోకి వెళ్లిపోయాను… నటుడు శివ బాలాజీ కామెంట్స్ వైరల్!

Siva Balaji: నటుడు శివ బాలాజీ పరిచయం అవసరం లేని పేరు. ఇది మా అశోక్ గాడి లవ్ స్టోరీ సినిమా ద్వారా తెలుగు ప్రేక్షకులకు పరిచయమైనటువంటి శివ బాలాజీ అనంతరం చందమామ, ఆర్య, అన్నవరం టెన్త్ క్లాస్ డైరీ శంభో శివ శంభో వంటి సినిమాలలో నటించి సందడి చేశారు.అయితే ఈయన ఇండస్ట్రీలోకి రాకముందు తన తండ్రి వ్యాపారాలను చూసుకుంటూ వ్యాపార రంగంలోనే ఉండేవారు.

అయితే ప్రస్తుతం ఈయన సినిమా ఇండస్ట్రీలో నటుడిగా కొనసాగుతున్నారు. ఇకపోతే తాజాగా ఒక ఇంటర్వ్యూలో పాల్గొన్నటువంటి శివ బాలాజీ తన కెరియర్లో తాను ఎదుర్కొన్నటువంటి ఇబ్బందుల గురించి తెలియజేశారు. తాను సినిమాలలోకి రాకముందు ఈము పక్షుల పెంపకం గురించి తెలుసుకున్నాను.ఈ పెంపకం చేపడితే కేంద్ర ప్రభుత్వం నుంచి మనకు సబ్సిడీ కూడా వస్తుందని తెలియడంతో దాదాపు తాను 500 ల ఈము పక్షులను పెంచానని, వీటి కోసం నెలకు 5 లక్షల వరకు ఖర్చు చేసే వాడిని తెలిపారు.

ఇలా ఈము పక్షుల పెంపకం కోసం భారీగా ఖర్చు చేశాను అయితే ఆ పక్షులకు పెద్దగా మార్కెట్ లేదని ఇదంతా ఫేక్ అని తెలియడంతో చాలా నష్టపోయానని శివబాలాజీ తెలిపారు.దీన్ని తర్వాత సోప్స్ ఆయిల్స్ షాంపుస్ వంటి ఎన్నో రకాల బిజినెస్ లు చేశాను ఇవన్నీ కూడా నష్టం తీసుకొచ్చాయి.ఆ తర్వాత స్నేహమేరా జీవితం అనే సినిమాలో నటించాను. ఈ సినిమా వల్ల సుమారు రెండు కోట్ల నష్టం వచ్చింది.

Siva Balaji: మధుమిత వల్ల మామూలు స్థితికి వచ్చాను…

ఈ విధంగా వ్యాపారాలలోను సినిమాలలోను నష్టాలు రావడంతో ఇంట్లో వారు కూడా చాలా ఇబ్బందులు పడ్డారని అయితే తన వల్ల ఇంతమంది బాధపడుతున్నారన్న ఆలోచన వల్ల తాను పూర్తిగా డిప్రెషన్ లోకి వెళ్లిపోయానని శివబాలాజీ తెలిపారు అయితే అదే సమయంలోనే మధుమిత వల్ల తాను తిరిగి మామూలు స్థితికి వచ్చానని ఈ సందర్భంగా శివ బాలాజీ చేసినటువంటి కామెంట్స్ వైరల్ అవుతున్నాయి.