Srikanth Iyengar : చిరు ఫ్యాన్ అని చెప్తే కొట్టారు… ఆరోజు చిరంజీవి వల్ల ఏడ్చాను : శ్రీకాంత్ అయ్యంగార్

Srikanth Iyengar : మామూలుగా డాక్టర్ కాబోయి యాక్టర్ అయ్యాను అని చెప్పడం వింటుంటాము. కానీ శ్రీకాంత్ అయ్యాంగార్ మొదట వైద్య వృత్తిలో ఉండి నటనమీద మక్కువతో యాక్టర్ గా మారిపోయాడు. రామ్ గోపాల్ వర్మ దర్శకత్వంలో వచ్చిన ‘ఎటాక్’ సినిమాతో మొదట సినిమాలలో కనిపించాడు. తరువాత కమ్మ రాజ్యంలో కడప రెడ్లు, డియర్ కామ్రేడ్, బ్రోచే వాడెవడురా వంటి సినిమాలలో నటించారు. బ్రోచే వాడెవడురా సినిమాలో పాత్రకు మంచి గుర్తింపు లభించింది. ఇక సాయి ధరమ్ తేజ్ హీరోగా వచ్చిన ‘ప్రతిరోజూ పండగే’ సినిమాలో పాత్రతో నవ్వులు పూయించారు. ఇటీవల ‘అంటే సుందరానికి’ సినిమాలో నటించారు.

చిరు ఫ్యాన్ అని చెప్తే బాగా కొట్టారు…

శ్రీకాంత్ అయ్యంగార్ ఇటీవల ఒక ఇంటర్వ్యూలో పాల్గొనగా తనకు రామ్ గోపాల్ వర్మ గాడ్ ఫాదర్ అని చెప్పుకొచ్చారు. తన వలనే ఈ స్థానంలో ఉన్నాను అని చేర్పుకొచ్చారు. కెరీర్ ఆరంభంలో చాలా ప్రోత్సహించారు అని చెప్పారు. ఇక తన ఇష్టమైన హీరో అంటే మెగా స్టార్ చిరంజీవి గారు అని చెప్పారు. తన చిన్నప్పుడు ఖైదీ సినిమా చూసి ఆయనకు అభిమానిగా మారిపోయానని చెప్పారు. ఆ సినిమా వచ్చిన సమయంలో నేను కూడా ఆయన స్టైల్లో లో తలకు బెల్ట్ కట్టుకొని తిరిగేవాడినని అంత పిచ్చి అని చెప్పారు.

ఇక అది చూసి మా నాన్న ఎవరు రా… అని అడిగితే చిరు అని సమాధానం చెప్పేవాడినని, దాంతో మా నాన్న ఆ బెల్ట్ తోనే కొట్టేవాడని ఏడుపు వచ్చేది కానీ లోపల మళ్ళీ నేను చిరు అని కంట్రోల్ అయ్యే వాడిని అని చెప్పుకొచ్చారు. అదే అవతారంలో స్కూల్ కి కూడా వెళ్లే వాడిని అక్కడ కూడా మామూలే మళ్ళీ కొట్టేవారు అని చెప్పారు. అది జరిగిన 37 ఏళ్ళకి నేను నిజంగా చిరంజీవిని కలిశానని, ఎప్పటికీ మర్చిపోలేనని చెప్పారు. ఎవరితో కలసి నటించాలి అని ఉంది అడుగగా… ఒక్కసారి చిరంజీవి గారితో నటిస్తే చాలు అని చెప్పారు.