Srinu Vaitla: వారు లేకుండా నా జీవితాన్ని ఊహించుకోలేను.. వైరల్ అవుతున్న శ్రీను వైట్ల పోస్ట్?

Srinu Vaitla: టాలీవుడ్ ఇండస్ట్రీలో దర్శకుడిగా ఎంతో మంచి గుర్తింపు సంపాదించుకున్న డైరెక్టర్ శీను వైట్ల ఎన్నో సినిమాలకు దర్శకత్వం వహించారు. ఆనందం,సొంతం రెడీ దూకుడు వంటి సూపర్ హిట్ సినిమాలతో దర్శకుడిగా మంచి పేరు సంపాదించుకున్న శీను వైట్ల ఆగడు సినిమాతో బాక్సాఫీస్ వద్ద డిజాస్టర్ ఎదుర్కొన్నారు. ఈ సినిమా తర్వాత శ్రీను వైట్ల పలు సినిమాలకు దర్శకత్వం వహించిన అతనికి పెద్దగా గుర్తింపు రాకపోవడంతో పూర్తిగా ఈయనకు అవకాశాలు తగ్గిపోయాయి.

ఇలా అవకాశాలు లేక గత కొన్ని సంవత్సరాల నుంచి ఇండస్ట్రీకి దూరంగా ఉన్నటువంటి శ్రీను వైట్ల అవకాశాల కోసం ఎదురుచూస్తున్నారు. అయితే ఈ సమయంలోనే ఆయన భార్య రూప తనకు ఊహించని షాక్ ఇచ్చింది.గత కొన్ని సంవత్సరాల నుంచి రూప శ్రీనువైట్ల దగ్గర లేదని ఆమె విడిగా ఉంటుందని తెలుస్తోంది. ఈ క్రమంలోనే రూప తన భర్తకు విడాకులు ఇవ్వబోతుందని వార్తలు వస్తున్నాయి. అయితే ఈ విషయం గురించి ఏ విధమైనటువంటి అధికారిక ప్రకటన వెలువడ లేదు.

ఇకపోతే తాజాగా శ్రీను వైట్ల సోషల్ మీడియా వేదికగా షేర్ చేస్తున్న ఒక పోస్ట్ ప్రస్తుతం వైరల్ అవుతుంది.శ్రీను వైట్ల తన ముగ్గురు కూతుర్లతో కలిసి ఉన్న ఫోటోని సోషల్ మీడియా వేదికగా షేర్ చేయడమే కాకుండా ఒక ఎమోషనల్ పోస్ట్ చేశారు. ప్రస్తుతం ఈ పోస్ట్ వైరల్ అవుతుంది.

కూతుర్లతో ఉన్న ఫోటోని షేర్ చేసిన శ్రీను వైట్ల…

ఈ సందర్భంగా శ్రీనువైట్ల ఈ ఫోటోని షేర్ చేస్తూ జీవితం చాలా అందంగా ఉంటుంది అయితే మనం ప్రేమించిన వాళ్లతో ఉంటే మరింత అందంగా ఉంటుంది.ఈ ముగ్గురు లేకుండా తన జీవితాన్ని ఊహించుకోలేను అంటూ శ్రీనువైట్ల తన కూతుర్లతో దిగిన ఫోటోని షేర్ చేశారు. అయితే ఇక్కడ తన భార్య లేకపోవడంతో నిజంగానే శ్రీనువైట్ల రూపా మధ్య గొడవలు ఉన్నాయని తను వేరుగా ఉంటుందని పలువురు భావిస్తున్నారు. ప్రస్తుతం ఈయన చేసిన ఈ పోస్ట్ వైరల్ అవుతుంది.