Sudheer Varma: సుధీర్ వర్మ మరణ వార్తను జీర్ణించుకోలేకపోతున్నాను… సుధీర్ మరణంపై నటుడు సుధాకర్ ఎమోషనల్!

Sudheer Varma: గత ఏడాది టాలీవుడ్ ఇండస్ట్రీకి చెందిన ఎంతో మంది సెలబ్రిటీలు మరణించి ఇండస్ట్రీకి తీరని లోటు మిగిల్చారు అయితే కొత్త ఏడాదిలోకి అడుగుపెట్టగానే టాలీవుడ్ ఇండస్ట్రీలో హీరోగా ఎదుగుతున్నటువంటి నటుడు సుదీర్ వర్మ మరణించిన విషయం మనకు తెలిసిందే. ఈయన వైజాగ్ లో ఆత్మహత్య చేసుకుని మరణించారు.

సుధీర్ వర్మ నటుడు సుధాకర్ కోమాకుల, చాందిని చౌదరి హీరో హీరోయిన్లుగా నటించిన కుందనపు బొమ్మ సినిమాలో కీలక పాత్రలో నటించారు.ఇలా పలు సినిమాలలో నటిస్తూ ఇండస్ట్రీలో ఎదుగుతున్న క్రమంలోనే ఈయన ఆత్మహత్య చేసుకుని తనువు చాలించారు. ఈ విధంగా నటుడు సుధీర్ వర్మ మరణించారనే వార్త ఇండస్ట్రీకి తీవ్ర దిగ్భ్రాంతికి గురిచేసింది.ఈయన ఆర్థిక సమస్యల కారణంగానే మరణించారని వార్తలు వినపడుతున్నాయి.

Sudheer Varma: సుధీర్ లేరనే వార్త జీర్ణించుకోలేకపోతున్నాను..

సుధీర్ మరణ వార్త తెలుసుకున్న సెలబ్రిటీలు ఈయన మరణం పై స్పందిస్తూ తన ఆత్మకు శాంతి కలగాలని కోరుకున్నారు. ఈ క్రమంలోనే కుందనపు బొమ్మ హీరో సుధాకర్ కోమాకుల కూడా ఈ విషయంపై స్పందిస్తూ సోషల్ మీడియా వేదికగా ట్వీట్ చేశారు. సుధీర్ వర్మ మరణ వార్త వినగానే ఒక్కసారిగా షాక్ కి గురయ్యానని, ఆయన ఇక లేరనే మరణ వార్తను జీర్ణించుకోలేకపోతున్నాను.. ఓం శాంతి అంటూ ఈయన ట్విట్టర్ వేదికగా నివాళులు అర్పించారు. ప్రస్తుతం ఈ ట్వీట్ వైరల్ గా మారింది.