Suma Kanakala : తెరవెనుక క్యాష్ ప్రోగ్రాం వ్లాగ్ వీడియో షేర్ చేసిన సుమ… ప్రస్తుతం యూ ట్యూబ్ ట్రెండింగ్ లో వీడియో…

Suma Kanakala : సుమ కనకాల… తెలుగు ప్రేక్షకులలో ఈ పేరు తెలియని వారు వుండరు. తెలుగు బుల్లితెర మీద ఛానల్ తో సంబంధం లేకుండా కొన్ని వందల ప్రోగ్రాంలు చేస్తూ అభిమానులను అలరిస్తోంది. బుల్లితెర మీద ఏ ఛానల్ చూసినా ఎక్కువ శాతం సుమ ప్రోగ్రాం కనిపిస్తుంది అనడంలో అతిశయోక్తి లేదు. బుల్లితెర మీదనే కాకుండా అప్పుడప్పుడు సినిమాలలోనూ, ప్రీరిలీజ్ వేడుకలలోనూ బిజీగా ఉంటుంది.

అయితే మే 30 2021 న సుమ అనే పేరుతో సుమ కనకాల ఒక యూట్యూబ్ ఛానల్ ను ప్రారంభించారు. మొదలుపెట్టిన అనతికాలంలోనే నాలుగున్నర లక్షలకు పైగా సబ్ స్క్రైబర్ లను పొందింది. సుమ తనకు సంబందించిన అన్ని విషయాలను వీడియోలుగా అభిమానులతో పంచుకుంటోంది. సుమ హోస్ట్ చేస్తున్న ప్రోగ్రాంలలో క్యాష్ ప్రోగ్రాం కూడా ఒక్కటి. ఇది ఎంతటి ప్రజాదారణ పొందిందో అందరికి తెలిసిందే. అయితే తాజాగా సుమ తన యూట్యూబ్ ఛానల్ వేదికగా క్యాష్ ప్రోగ్రాంకు సంబందించిన ఒక వీడియోను షేర్ చేసింది.

క్యాష్ ప్రోగ్రాం షూటింగ్ రోజు సుమ ఏం చేస్తుందో…..

బుల్లితెర మీద ప్రసారమవుతున్న ప్రోగ్రాంలలో టాప్ రేటెడ్ ప్రోగ్రామ్లలో ఒకటిగా సాగుతోంది. ప్రతి వారం నలుగురు సెలబ్రిటీలతో సుమ చేసే హంగామా మాములుగా ఉండదు. ఈ నేపథ్యంలోనే తాజాగా, ఆమె హోస్ట్‌ చేస్తున్న క్యాష్‌ ప్రోగ్రాం తెర వెనుకకు సంబంధించిన వ్లాగ్‌ను వీడియో చేశారు. సుమ యూట్యూబ్ ఛానల్ వేదికగా ఈ ప్రోగ్రాంను షేర్ చేశారు. క్యాష్‌ ప్రోగ్రామ్‌ షూటింగ్‌ ఉన్న రోజు సుమ ఉదయం ఎన్నింటికి ఇంటి నుండి స్టార్ట్ అవుతారు? షూటింగ్‌లో ఆమె మేకప్ వేసుకొనే సమయం ఎలా ఉంటుంది?… సెట్స్‌లో సుమ ఎలా ఉంటుంది? షూటింగ్ అయిపోయాక ఫోటో షూట్లు ఎలా ఉంటాయి? ఇలాంటి అన్నింటికి సంబందించిన విషయాలను వీడియో తీసి పెట్టారు. ప్రస్తుతం ఈ క్యాష్ ప్రోగ్రాం కి సంబందించిన వీడియో యూట్యూబ్లో ట్రెండింగ్‌లో ఉంది.