పొద్దు తిరుగుడు గింజలతో ఆ సమస్యకు చెక్ .. ఇంకా ఎన్నో ఆరోగ్య ప్రయోజనాలు..!

ప్రస్తుత జీవన శైలిలో ఉరుకులు, పరుగుల జీవితంలో పడి ఆరోగ్యాన్ని నిర్లక్ష్యం చేస్తున్నారు. తినే ఆహారం విషయంలో ఎక్కువగా తప్పులు చేస్తున్నారు. ఇన్ స్టాంట్ గా ఎక్కడ ఆహారం దొరికితే అక్కడ తినేస్తున్నారు. దీంతో వివిధ రకాల వ్యాధుల బారిన పడుతున్నారు. దీనిలో ఎక్కువ బాధిస్తున్న వ్యాధి డయాబెటిస్. చాలామందికి ఈ షుగర్ వ్యాధి అనేది సర్వ సాధారణంగా వస్తుంది.

దీనిని నివారించాలంటే.. వంటింటి చిట్కా ద్వారా చేయవచ్చు. అది ఎలా అంటే.. పొద్దుతిరుగుడు విత్తనాల గురించి అందరికీ తెలిసిందే. వీటిలో ఉన్న పోషకాలు మన ఆరోగ్యానికి ఎంతో మేలు చేస్తాయి. వీటిలో కేలరీలతోపాటూ… ముఖ్యమైన ఫ్యాటీ యాసిడ్స్, విటమిన్స్, మినరల్స్ వంటివి ఎక్కువగా ఉంటాయి. ఈ విత్తనాల్ని పొద్దు తిరుగుడు పువ్వు మధ్యలో నుంచీ సేకరిస్తారు.

ఇవి బూడిద రంగులో లేదా నలుపు రంగులో ఉంటాయి. నీటి బిందువు ఆకారంలో కనిపిస్తాయి. సైంటిఫిక్‌గా మూడు రకాల సన్‌ఫ్లవర్ సీడ్స్ ఉన్నాయి. అవి లైనోలెయిక్, హైలీ ఒలెయిక్, న్యూసన్. విత్తనాల్లోని మోనోశాచురేటెడ్, శాచురేటెడ్, పాలీఅన్‌శాచురేటెడ్ ఫ్యాట్స్ ఆధారంగా వాటిని విభజించారు. ఫైబర్ ఎక్కువగా ఉన్న వీటిని తీసుకోవడం వల్ల ఎక్కువగా ఆకలి వేయదు.

అంతేకాకుండా.. డయాబెటిస్ వారికి ఈ గింజలు మంచిగా ఉపయోగపడతాయి. అందుకనే షుగర్ వ్యాధిగ్రస్థులు తమ డైట్ లో భాగంగా పొద్దు తిరుగుడు విత్తనాలను తీసుకుంటే షుగర్ కంట్రోల్ లోకి వస్తుందని పలు అధ్యయనాలు ద్వారా తెలుస్తోంది. అయితే ఈ గింజలను నేరుగా గానీ.. లేదా నానబెట్టి గానీ తినవచ్చు. నేరుగా తినడం వల్ల అస్తమా, కీళ్ల నొప్పులు ఉన్న వారికి ఎంతగానో ఉపశమనం కలిగిస్తుంది. చర్మ సంబంధిత వ్యాధుల నుంచి కూడా ఈ గింజలు కాపాడతాయి.