సూపర్ ఉమెన్ అంటే అందరికీ వెంటనే వకీల్ సాబ్ సినిమాలోని కోర్టులో జరిగిన సన్నివేశం మైండ్ లో మెదులుతుంది. ఆ సన్నివేశంలో పోలీస్ పాత్రలో నటించిన లిరిష అనే నటిని అమాంతం ఈ సన్నివేశం పాపులర్ చేసింది. లిరిష గతంలో ఎన్నో సినిమాలు వెబ్ సిరీస్ లో నటించినప్పటికీ రాని గుర్తింపు కేవలం వకీల్ సబ్ సినిమా ద్వారా విపరీతమైన క్రేజ్ వచ్చిందని చెప్పవచ్చు. ఈ విధంగా వకీల్ సాబ్ సినిమా ద్వారా సూపర్ ఉమెన్ గా పేరు సంపాదించుకున్న లిరిష తాజాగా జబర్దస్త్ వేదికపైకి ఎంట్రీ ఇచ్చారు.

జులై 22న ప్రసారం కాబోయే జబర్దస్త్ కార్యక్రమానికి సంబంధించిన ప్రోమోను విడుదల. ఈ ప్రోమోలో భాగంగా రాకెట్ రాఘవ స్కిట్ లో భాగంగా..” ఎక్కడికైనా 15 నిమిషాలలో వెళ్లిపోయే సూపర్ ఉమెన్ రా”… నేను అంటూ వేదికపైకి ఎంట్రీ ఇచ్చారు. ఈ విధంగా లిరిష ఈ కార్యక్రమానికి వచ్చి చేసిన సందడి అంతా ఇంతా కాదు.

రాకెట్ రాఘవ స్కిట్ లో పాల్గొన్న లిరిష పంచ్ డైలాగులతో అందరినీ ఆకట్టుకుంది. ఈ క్రమంలోనే కత్తిలా ఉందంటూ ఆమె పై కమెడియన్స్ పంచులు వేయగా అదిచూసిన జడ్జి రోజా, యాంకర్ అనసూయ పొట్టచెక్కలయ్యేలా నవ్వారు. దీంతో ఈ ప్రోమో ప్రస్తుతం సోషల్ మీడియాలో తెగ చక్కర్లు కొడుతోంది. ఈ కార్యక్రమానికి సంబంధించిన పూర్తి వినోదం చూడాలంటే వచ్చే వారం వరకు ఎదురు చూడాల్సిందే. మరి ఇంకెందుకు ఆలస్యం ఈ సూపర్ ఉమెన్ చెప్పిన సూపర్ డైలాగులు ఏమిటో మీరు ఓ లుక్కేయండి.