Surekha Vani: డ్రగ్స్ కేసు వివాదంపై స్పందించిన సురేఖ వాణి… కెరియర్ నాశనమవుతుందంటూ ఆవేదన?

Surekha Vani: సినిమా ఇండస్ట్రీలో డ్రగ్స్ వ్యవహారం సెలబ్రిటీలకు నిద్రలేకుండా చేస్తుందని చెప్పాలి. ముఖ్యంగా టాలీవుడ్ ఇండస్ట్రీలో గత కొంతకాలంగా డ్రగ్స్ వ్యవహారం కారణంగా ఎంతో మంది సెలబ్రిటీలు ఆరోపణలు ఎదుర్కొన్నారు అయితే తాజాగా నిర్మాత కె.వి చౌదరి హైదరాబాదులో డ్రగ్స్ అమ్ముతూ పోలీసులకు పట్టుబడ్డారు. దీంతో కస్టడీలో ఉన్నటువంటి కేపీ చౌదరినీ అధికారులు విచారించగా పలు ఆసక్తికరమైన విషయాలు బయటపడ్డాయి.

ఈ సందర్భంగా కేపీ చౌదరి తాను ఇండస్ట్రీకి రాజకీయాలకు సంబంధించిన 12 మందికి డ్రగ్స్ అమ్మానని స్వయంగా ఒప్పుకున్నారు. అలాగే ఈయన ఫోన్ ట్యాపింగ్ చేయగా ఎంతోమంది సెలబ్రిటీలతో ఈయన వందల కొద్ది ఫోన్లలో మాట్లాడినట్లు తెలుస్తుంది. ఇలా ఎక్కువగా ఫోన్లు చేసినటువంటి వారిలో నటి సురేఖ వాణి కూడా ఒకరు ఉన్నారు.అంతేకాకుండా కేపీ చౌదరితో సురేఖవాణి చాలా చనువుగా దిగిన ఫోటోలు కూడా సోషల్ మీడియాలో వైరల్ అవుతున్నాయి.

ఇలా ఈ ఫోటోలు సోషల్ మీడియాలో వైరల్ గా మారడంతో సురేఖవానికి కూడా ఈ డ్రగ్స్ కేసులో బాగా ముందనే ఆరోపణలు తెరపైకి వచ్చాయి. దీంతో అధికారులు సురేఖ వాణిని కూడా విచారించే అవకాశాలు ఉన్నాయని తెలుస్తుంది. అయితే తన గురించి ఇలాంటి ఆరోపణలు వస్తున్నటువంటి తరుణంలో సురేఖ వాణి సోషల్ మీడియా వేదికగా స్పందించి ఆవేదన వ్యక్తం చేశారు.

Surekha Vani: మమ్మల్ని వదిలేయండి…

ఈ సందర్భంగా సురేఖవాణి సోషల్ మీడియా వేదికగా స్పందిస్తూ డ్రగ్స్ పేరును ప్రస్తావించకుండా గత రెండు రోజులుగా తన గురించి పెద్ద ఎత్తున ఆరోపణలు వస్తున్నాయి. అయితే ఎలాంటి ఆధారాలు లేకుండా ఈ విధమైనటువంటి ఆరోపణలు చేయడం సరికాదని వీటి వల్ల తమ కుటుంబ సభ్యుల ఆరోగ్యం పూర్తిగా పాడవుతుందని అలాగే తమ కెరియర్ కూడా నాశనం అవుతుందని దయచేసి ఈ విషయంలో మమ్మల్ని వదిలేయండి అంటూ ఈమె సోషల్ మీడియా వేదికగా చేసినటువంటి ఈ కామెంట్స్ వైరల్ అవుతున్నాయి.