Suriya : జ్యోతిక నేను ఆ సినిమా తరువాత ప్రేమించుకున్నాం… జ్యోతికతో తొలి పరిచయం గురించి చెప్పిన సూర్య…!

Suriya : తమిళ హీరో సూర్య పేరుకే తమిళ హీరో అయినా తెలుగువాళ్ళు కూడా మనవాడే అనుకునే అభిమానాన్ని సొంతం చేసుకున్నాడు. ‘గజినీ’ సినిమాతో ఒక్కసారిగా తెలుగులో పాపులర్ అయ్యాడు. ఇంతవరకు స్ట్రైట్ తెలుగు సినిమా చేయకపోయినా ఫ్యాన్ ఫాలోయింగ్ మాత్రం మాములుగా లేదు ఈ సింగం బాస్ కు. గజినీ సినిమా తరువాత యముడు సిరీస్ తో మాస్ ప్రేక్షకులను ఆకట్టుకున్న సూర్య, తన ప్రేమ గురించి జ్యోతికతో పరిచయం గురించి ముచ్చటించారు.

ఆ సినిమాతో పరిచయం, ఆ తరువాత ప్రేమ…

దర్శకుడు వసంత్ డైరెక్షన్లో ‘పోవేళ్ళం కేట్టుప్పర్’ అను సినిమాలో మొదటగా జ్యోతికతో పరిచయం ఏర్పడింది. మొదటగా ఇద్దరినీ వసంత్ గారు పరిచయం చేసారు. ఇక మొదటి సన్నివేశం ఇద్దరు చేయి పట్టుకుని లాంగ్ మార్చ్ చేయడం. ఆ సినిమాలో పరిచయం మాత్రమే ఆ తరువాత మరో రెండు సినిమాలు చేసాం అంటూ అప్పటి మధురస్మృతులను పంచుకున్నారు సూర్య. మూడో సినిమా ‘కాకా కాకా’ సినిమా హిట్ అయి మంచి గుర్తింపు ఇవ్వడమే కాకుండా నాకు జ్యోతికను ఇచ్చింది.

ఆ సినిమా తరువాత మేమిద్దరం సీరియస్ గా ప్రేమించుకోవడం మొదలు పెట్టాము అంటూ చెప్పారు. మొదట ఎవరు ప్రొపోజ్ చేసారని అడుగగా మొదట తానే ప్రొపోజ్ చేసినట్లు చెప్పారు. ఇక పెళ్లి విషయంలో మాత్రం సూర్య సోదరి బృంద తన తల్లిదండ్రులను ఒప్పించారట. ఇక సినిమాల గురించి ఇంట్లో అసలు చర్చించమని సూర్య చెప్పారు. దియా కు మంచి తండ్రిగా ఉండాలని ఎల్లప్పుడూ ప్రయత్నిస్తానని చెప్పారు సూర్య. జ్యోతిక నా జీవితాన్నే మార్చేసిందంటూ పెళ్లి తరువాత చాలా మారానని అయితే జ్యో మాత్రం అలాగే ఉందని చెప్పారు. ఇక జ్యోతిక నాకేం కావాలో ముందే అలోచించి నన్ను సర్ ప్రైజ్ చేస్తుందంటూ తమ బంధంలోని మధుర జ్ఞాపకాలను పంచుకున్నారు.