Surya: ఆస్కార్ అకాడమీలో సూర్య జై భీమ్ సీన్స్…వీడియో వైరల్!

Surya: కోలీవుడ్ స్టార్ హీరో సూర్య గత ఏడాది నటించిన చిత్రం జై భీమ్. సీనియర్ లాయర్ చంద్రు జీవిత కథ ఆధారంగా తెరకెక్కిన ఈ సినిమా అమెజాన్ ప్రైమ్ లో విడుదల అయ్యి ఎంతో మంచి గుర్తింపు సంపాదించుకుంది. దళితుల పట్ల పోలీసులు ఎలాంటి వివక్ష చూపుతున్నారు. వారికోసం లాయర్ చంద్రు ఎలా కష్టపడ్డారనే విషయాల గురించి ఎంతో అద్భుతంగా వివరించారు.

జ్ఞానవేల్ దర్శకత్వంలో తెరకెక్కిన ఈ సినిమా ఎంతో మంది ప్రశంసలు అందుకొని సూర్య సినీ కెరీర్ లో మరొక అద్భుతమైన విజయాన్ని అందుకున్నారని చెప్పవచ్చు. ఇకపోతే తాజాగా ఈ సినిమాకి మరొక అరుదైన గౌరవం లభించిందని చెప్పవచ్చు. మరోసారి ఈ సినిమా అంతర్జాతీయ సదస్సుపై చర్చకు రావడం విశేషం.

దేశవ్యాప్తంగా ఎంతో మంది ప్రశంశలు అందుకున్న జై భీమ్ చిత్రంలోని కొన్ని కీలక సన్నివేశాలను ప్రపంచ ప్రఖ్యాత అవార్డ్ సమస్థ అయిన ఆస్కార్ సమస్థ యూట్యూబ్ ఛానల్ ద్వారా ఈ సినిమాలో సన్నివేశాలను ప్రసారం చేసింది.ఇప్పటివరకు ఏ తమిళ సినిమాకి దక్కని గౌరవం సూర్య జై భీమ్ చిత్రానికి దక్కిందని చెప్పాలి.

12 నిమిషాల వీడియో ప్రసారం…

ఆస్కార్ యూట్యూబ్ ఛానల్ ద్వారా ఈ సినిమాలు దొంగలను పోలీసులు కులాల వారిగా విభజించి జైలుకు తరలించడం వంటి సన్నివేశాలను నుంచి చివరి వరకు కలిపి మొత్తం 12 నిమిషాల సన్నివేశాలను ఒక వీడియో గా ప్రసారం చేశారు.ఇప్పటివరకు ఏ తమిళ సినిమా ఇలా అంతర్జాతీయ వేదికపై ప్రసారం కాకపోవడంతో సూర్య అభిమానులు సైతం తమ హీరో సినిమాకు దక్కిన అద్భుతమైన గౌరవంగా భావించి ఎంతో సంతోషం వ్యక్తం చేస్తున్నారు. ప్రస్తుతం ఈ వీడియో వైరల్ గా మారింది.