Rajamouli: దేశవ్యాప్తంగా ఎంతో ఆత్రుతతో ఎదురు చూస్తున్న సినిమా ట్రిపుల్ ఆర్. కోవిడ్ కారణాల వల్ల మళ్లీ వాయిదా పడింది. దీంతో సినిమాపై ఎన్నో ఆశలు పట్టుకున్న అభిమానులు నిరాశకు లోనయ్యారు. సినిమాను వాయిదా వేస్తున్నట్లు ఇటీవల చిత్ర యూనిట్ అఫీషియల్ గా ప్రకటించింది.

దీంతో అభిమానులు రాజమౌళితో పాటు చిత్ర యూనిట్ పై ఆగ్రహం వ్యక్తం చేస్తున్నారు. ఇప్పటికే నాలుగు సార్లు ట్రిపుల్ ఆర్ వాయిదా పడటంతో ఫ్యాన్స్ ఊరుకోవడం లేదు. సోషల్ మీడియా వేదికగా ట్రిపుల్ ఆర్ సినిమాపై తెగ ట్రోలింగ్స్, మీమ్స్ క్రియేట్ చేస్తున్నారు. 

ఇదిలా ఉంటే ఇండస్ట్రీ పెద్దలు కూడా రాజమౌళిపై గుర్రుగా ఉన్నారు. రాజమౌళి ఎంతసేపు తన సినిమా, కలెక్షన్లు, లాభాల గురించి ఆలోచిస్తున్నారు తప్పితే ఇండస్ట్రీ మంచి కోసం, ఇతర ఇండస్ట్రీ వ్యక్తుల కోసం ఆలోచించడం లేదని ఫైర్ అవుతున్నట్లు సమాచారం. రామ్ చరణ్ తేజ్, ఎన్టీఆర్ లీడ్ క్యారెక్టర్లలో అలియాభట్, ఒలివియా మోరిస్ వీరికి జోడీగా నటిస్తున్న ట్రిపుల్ ఆర్ ను దాదాపు రూ. 450 కోట్లతో నిర్మించారు ప్రముఖ నిర్మాత డీవీవీ దానయ్య.

మరోవైపు బాలీవుడ్ స్టార్ అజమ్ దేవ్ గన్ కీలక పాత్రలో నటిస్తుండటంతో సినిమాపై భారీ అంచనాలు నెలకొన్నాయి. జనవరి 7న ప్రపంచ వ్యాప్తంగా 14 భాషల్లో విడుదల చేద్దాం అని ముందుగా అనుకున్నప్పటికీ.. కరోనా మరోసారి దెబ్బ తీసింది. కరోనా కారణంగా పలు రాష్ట్రాల్లో థియేటర్లు మూతపడ్డాయి. కొన్ని రాష్ట్రాల్లో కేవలం 50 శాతం ఆక్యుపెన్సీతో నడపాల్సిన పరిస్థితి దీంతోొ సినిమాను మరోసారి వాయిదా వేశారు.

సమ్మర్ సీజన్ లో విడుదల చేద్దాం అని..

ఇప్పటికే ట్రిపుల్ ఆర్ సినిమా కోసం పవన్ భీమ్లానాయక్ విడుదల పోస్ట్ పోన్ అయింది. శివరాత్రి కానుకగా విడుదల చేద్దాం అని అనుకుంటున్నారు భీమ్లా నాయక్ టీం. అయితే ప్రస్తుతం వాయిదా పడిన ఆర్ ఆర్ఆర్ సినిమాను సమ్మర్ సీజన్ లో విడుదల చేద్దాం అని అనుకుంటున్నారు. అయితే సమ్మర్ లో రాజమౌళి సినిమా వస్తే మళ్లీ మూవీల షెడ్యూల్ మొత్తం డిస్ట్రబ్ అవుతుందని సినీ ఇండస్ట్రీ అనుకుంటుంది. ఆర్ ఆర్ఆర్ దెబ్బకు పలు మూవీలు వెనక్కి వెళ్లాల్సి వస్తుండటంతో ట్రిపుల్ ఆర్ టీం పై.. మొత్తం సినిమా ఇండస్ట్రీ కొంత అసహనంతో కనిపిస్తుంది. అయితే నార్త్ మాట ఎలా ఉన్నా.. తెలుగు, తమిళం భాషల్లో సంక్రాంతికి విడుదల అవుతుందనుకున్న ఫ్యాన్స్ కు మాత్రం నిరాశే ఎదురైంది. నార్త్ డిస్ట్రిబ్యూటర్లు సినిమా వాయిదా వేసుకోండని చెప్పడంతోనే మూవీ యూనిట్ తలొగ్గిందనే మాటలు కూడా వినిపిస్తున్నాయి.

1920లలో చోటు చేసుకున్న సంఘటనల ఆధారంగా.. RRR సినిమా స్వాతంత్ర్య సమరయోధులు కొమరం భీమ్, అల్లూరి సీతారామ రాజు జీవితాల నుండి ప్రేరణ పొందింది. రామ్ చరణ్ సీతారామ పాత్రలో కనిపించనుండగా, జూనియర్ ఎన్టీఆర్ కొమురం భీమ్ పాత్రలో కనిపించనున్న విషయం తెలిసిందే.

హైదరాబాద్‌లో జరిగిన మీడియా సమావేశంలో రాజమౌళి, రామ్ చరణ్, జూనియర్ ఎన్టీఆర్, అలియా భట్ , నిర్మాతలు ప్రమోషనల్ ఈవెంట్‌లో పాల్గొన్నారు. తెలుగు టాప్ హీరోలు రామ్ చరణ్ ,జూనియర్ ఎన్టీఆర్‌లతో కలిసి పనిచేసిన అనుభవం గురించి మీడియాతో ఇంటరాక్ట్ చేసిన దర్శకుడు, వారు తమ పాఠశాలలో మొదటి రోజు “పిల్లల”లా నటించారని అన్నారు.

రామ్ చరణ్ , జూనియర్ ఎన్టీఆర్ అర్ధంలేని గొడవల కారణంగా 20 రోజులకు పైగా షూటింగ్ రోజులు వృధా అయ్యాయని రాజమౌళి పేర్కొన్నాడు. ” ఇక ఈ ఈవెంట్లో మీడియా ప్రతినిధులు అడిగిన ప్రశ్నలకు రాజమౌళి కాస్త అసహనం వ్యక్తం చేసినట్లు కనిపించింది.

ట్రైలర్ లోనే దాదాపు స్టోరీని అంతా రివీల్ చేసిన రాజమౌళి.. ఎన్టీఆర్ ముస్లిం టోపీ ఎందుకు ధరించాడు.. నాటు నాటు సాంగ్ కు కొమురం భీమ్ డ్యాన్స్ వేయడం ఏంటి వంటి ప్రశ్నలు మీడియా ప్రతినిధులు అడగడంతో కోపం తెచ్చుకున్నారు రాజమౌళి. ట్రైలర్ లోనే అంతా రివీల్ చేసిన తర్వాత కూడా.. ఇలాంటి ప్రశ్నలు ఏంటి అని.. స్క్రిప్ట్ మొత్తం మీ ముందు ఉంచమంటారా.. కథ మొత్తం చెప్పమంటారా అంటూ ఆగ్రహం వ్యక్తం చేశాడు.