Abdullapurmet: అబ్దుల్లాపూర్ మెట్ క్రైమ్ ఘటన ఓ కొలిక్కి వచ్చింది. బీటెక్ థర్డ్ ఇయర్ చదువుతున్నటువంటి నవీన్ హత్య రెండు తెలుగు రాష్ట్రాలలో సంచలనంగా మారింది. తన స్నేహితుడు హరిహర తనని నమ్మించి దారుణంగా తనని హత్య చేయడంతో ఈ విషయం రెండు తెలుగు రాష్ట్రాలలో సంచలనగా మారింది. అయితే నిందితుడు హరిహర తల్లిదండ్రులు తాజాగా ఈ విషయంపై స్పందించారు.

హరిహరకృష్ణ కుటుంబ నేపథ్యానికి వస్తే.. వీరి స్వస్థలం వరంగల్‌లోని కరీమాబాద్‌. తండ్రి పేరాల ప్రభాకర్‌.. ఆర్‌ఎంపీ డాక్టర్‌గా పని చేస్తుండగా.. తల్లి గృహిణి. ఇక ప్రభాకర్ స్థానికంగా క్లినిక్ నడుపుతున్నారు. వీరికి ముగ్గురు సంతానం కాగా అమ్మాయికి పెళ్లి చేశారు ఇంకొక అబ్బాయి హత్య కేసులో నిందితుడిగా ఉండడంతో ఉరి వేసుకొని ఆత్మహత్య చేసుకున్నాడు. చిన్న కొడుకు నైనా సక్రమంగా పెంచుకోవాలని గత 14 సంవత్సరాలుగా తనని హైదరాబాదులో ఉండి చదివిస్తున్నారు.

తన అక్క ఇంట్లో ఉండి చదువుకోమని చెప్పగా స్నేహితులతో కలిసి ఒక రూమ్ లో ఉంటూ చదువుకుంటున్నామని చెప్పారు. అయితే శివరాత్రి రోజు తన కుమారుడు వరంగల్ వచ్చారని అప్పుడు తనకు ఎన్నో ఫోన్ కాల్స్ రావడంతో చాలా ఆందోళనగా కనిపించారని తెలిపారు. ఏమైంది అని అడగ్గా ఏమీ లేదని చెప్పారు. అయితే హైదరాబాద్ వెళ్ళిన తర్వాత తన కుమారుడి ఫోన్ స్విచ్ ఆఫ్ వచ్చింది అప్పటికే నవీన్ మిస్సింగ్ అని తెలియడంతో కాస్త కంగారు పడ్డాము.

Abdullapurmet: అమ్మాయిని కూడా విచారించాలి..

కుమారుడు ఈనెల 23వ తేదీ వరంగల్ వచ్చారని ఏమైందని నిలదీస్తే తాను నవీన్ ను హత్య చేసి చంపానని ఒప్పుకున్నట్లు తన తండ్రి తెలిపారు.చేసిన తప్పును తాము మందలించి పోలీసులకు లొంగిపోవాలని చెప్పడంతో తాను హైదరాబాద్ వచ్చి పోలీసులకు లొంగిపోయారని హరిహర తండ్రి ప్రభాకర్ తెలిపారు. అయితే నవీన్ ను తన కుమారుడు దారుణంగా చంపినందుకు ప్రభాకర్ నవీన్ తల్లిదండ్రులకు క్షమాపణలు తెలియజేశారు.ఇలా పెద్ద కుమారుడు హత్య కేసులో నిందితుడిగా మారి అవమానంతో ఉరి వేసుకొని చనిపోగా రెండవ కుమారుడు కూడా ఇలా హత్య కేసులో నిందితుడుగా మారి జైలు పాలు కావడంతో హరిహర తల్లిదండ్రులు కన్నీటి పర్యంతరం అవుతున్నారు.