Lucky Person: లక్ ఉండాలే కానీ.. అరటి పండు కూడా బంగారం అవుతుంది అంటారు. ఒక వేళ అదృష్టం లేకపోతే.. అదే అరటిపండి తింటే పన్ను ఇరుగుతుంది అనేది పెద్దలు చెబుతున్న మాట. ఇలా అదృష్టం అనేది ఎవరిని, ఎప్పుడు ఎలా వరిస్తుందో చెప్పలేం. అలాంటిది ఓ వ్యక్తికి లాటరీ రూపంలో లచ్చిందేవి వచ్చిపడింది. అసలు ఆ కథేంటో తెలుసుకుందాం.

మన దేశంలో లాటరీల ద్వారా డబ్బులు రావడం అనేవి తక్కువ కానీ.. విదేశాల్లో ఇలాంటివి ఎక్కువగా ఉంటాయి. రాత్రికి రాత్రే కోటీశ్వరులు అయిన వాళ్లు ఎంతో మంది ఉన్నారు. ముఖ్యంగా అమెరికా, బ్రిటన్ లాంటి దేశాల్లో ఇలాంటివి ఎక్కువగా ఉంటాయి. వారి బిజినెస్ కు సంబంధించి ప్రమోషన్ల కోసం ఇలాంటివి పెడుతుంటారు.

అయితే రెండు తెలుగు రాష్ట్రాల్లో జూదం, లాటరీలాంటికి నిషేధించారు. కానీ మహారాష్ట్ర, బిహార్, కేరళ లాంటి రాష్ట్రాల్లో ఇలాంటి లాటరీలు పెడుతుంటారు. లాటరీ టికెట్లను బహిరంగంగానే అమ్ముతుంటారు. ఇలా లాటరీ టికెట్ తగిలి ఎంతో మంది రిక్షావాలాలు, డ్రైవర్లు కోటీశ్వరులు అయ్యారు. తాజాగా అదే లాటరీ టికెట్ కేరళకు చెందిన ఓ పెయింటర్‌ను కోటీశ్వరుడిని చేసింది.

ఈ లాటరీ టికెట్ ను అతడు అనుకోకుండా కొన్నాడట..

అతడి పేరు సదానందన్ ఒలిపరంబిళ్. పెయింటింగ్ వర్క్ చేసుకుంటూ జీవనం సాగిస్తుంటాడు. ఇక అతడికి ఎక్కువగా లాటరీ టికెట్లు కొనుక్కునే అలవాటు ఉంది. ఇటీవల అతడు కొన్ని కొన్న ఒక లాటరీ టికెట్ అతడిని కోటీశ్వరుడిని చేసింది. ఎప్పుడు కొన్నా లాటరీ తగలకపోవడంతో.. తాను ఇక లాటరీ టికెట్లను కొనొద్దు అనుకున్నాడట. ఇప్పుడు తగిలిన ఈ లాటరీ టికెట్ ను అతడు అనుకోకుండా కొన్నాడట. అతడి ఓ షాప్ కు వెళ్లగా అక్కడ 500 నోట్ చూపించి తనకు కావాల్సిన అవసరాలు తీసుకున్నాడు. కానీ ఆ షాప్ యజమాని దగ్గర చిల్లర లేదు. దీంతో అతడు లాటరీ టికెట్ కొన్నానని చెబుతున్నాడు. అనుకోని రీతిలో ఆ రోజు మధ్యానానికే రిజల్ట్స్ వచ్చాయని.. అప్పుడు ఈ విషయాన్ని తానే నమ్మలేకపోయానని అంటున్నాడు. ఇక లాటరీలో అతడికి వచ్చిన అమౌంట్ ఎంతో తెలుసా.. అక్షరాల రూ.12 కోట్లు. అయితే అందులో 30 శాతానికి పైగా ట్యాక్స్ పోను మిగిలిన డబ్బుతో ఇల్లు కట్టుకుంటానని చెబుతున్నాడు.