నా డబ్బులు మొత్తం తీసుకొని నన్నే ఇంట్లోంచి వెళ్ళగొట్టాడు.. : తనికెళ్ల భరణి

తెలుగు సినిమా ఇండస్ట్రీలో నటుడు, దర్శకుడు, రచయిత తనికెళ్ల భరణి గురించి ప్రత్యేకంగా చెప్పాల్సిన పనిలేదు. నిన్న అద్భుతమైన పాత్రలో తెలుగు, కన్నడ, హిందీ, భాషలలో సుమారు 750 చిత్రాలకు పైగా నటించి ఎంతో మంచి గుర్తింపును సంపాదించుకున్నారు. తండ్రి పాత్రలో తాత పాత్రలో ఎంతో అద్భుతంగా నటించిన తనికెళ్ల భరణి ఇంటర్వ్యూలో భాగంగా తన సినిమా కెరీర్ గురించి పలు ఆసక్తికరమైన విషయాలను వెల్లడించారు.

ఈ సందర్భంగా ఓ ఇంటర్వ్యూలో పాల్గొన్న తనికెళ్ళభరణి ఒక ఫైట్ మాస్టర్ తనని దారుణంగా అవమానించారని ఈ సందర్భంగా తెలియజేశారు. తనికెళ్ల భరణి వివాహం చేసుకొని మొట్టమొదటిసారిగా హైదరాబాద్ వచ్చినప్పుడు తను రాళ్ళపల్లి ఇంటిలో అద్దెకి ఉండేవారని చెప్పారు. అయితే ఆ ఇంటికి వచ్చిన ఫైట్ మాస్టర్ భీమరాజు అనే వ్యక్తి ఏంటయ్యా కొత్తగా పెళ్లయింది ఈ చిన్న ఇంట్లో ఎలా ఉంటున్నారు, నాకు పెద్ద ఇల్లు ఉంది గ్రౌండ్ ఫ్లోర్ అమ్మాలి అనుకుంటున్నాను కావలిస్తే చూడండి అంటూ తనకు చెప్పారనీ తనికెళ్ల భరణి తెలియజేశారు.

అయితే గ్రౌండ్ ఫ్లోర్ ను ఏకంగా మూడు లక్షల రూపాయలకు అమ్ముతున్నట్లు ఫైట్ మాస్టర్ చెప్పగా మూడు లక్షలు అంటే ఎక్కడి నుంచి తేవాలి చాలా కష్టం అవుతుందని తనికెళ్ళభరణి చెప్పడంతో అసలు డబ్బులు ఇవ్వకుండా వచ్చి ఇంట్లో చేరిపో నీ దగ్గర ఉన్నప్పుడే ఇవ్వమని చెప్పారు.ఇదే విషయాన్ని తనికెళ్ల భరణి తన గురువుగారి దగ్గర చెప్పడంతో ఒకసారి వెళ్లి చూసి రా మంచి విషయమే కదా అని చెప్పారు.

ఈ విధంగా అప్పట్లోనే లక్ష రూపాయలు చెల్లించి ఒక సంవత్సరం పాటు ఆ ఇంట్లో ఉండగా ఒక ఆరు నెలల పాటు తనకి ఎలాంటి అమౌంట్ రాలేదని అప్పుడు చాలా ఇబ్బందులు పడుతున్న సమయంలో ఫైట్ మాస్టర్ వచ్చి తన ఇంటికి చెల్లించాల్సిన డబ్బులు మొత్తం చెల్లించాలని ఎంతో ఒత్తిడికి గురి చేశారని చెప్పారు.ఇప్పటికిప్పుడు అంత మొత్తంలో డబ్బు కంటే ఎక్కడనుంచి తీసుకురావాలి నా పరిస్థితి కూడా ఇదే అని చెప్పినప్పటికీ వినకుండా వెంటనే ఇల్లు ఖాళీ చేసి వెళ్ళమన్నారు.

అతను ఆ మాట అనేసరికి తనికెళ్ళ భరణి తన డబ్బులను తనకు తిరిగి ఇవ్వమని అడిగిన కూడా ఇవ్వకుండా తన ఇంటి నుంచి వెళ్లిపొమ్మని చెప్పారు. ఆ విధంగా అక్కడి నుంచి వేరే ఇంటికి వెళ్ళిన తనికెళ్ల భరణి తన డబ్బు కోసం ఎన్నో ప్రయత్నాలు చేశారు.ఈ విధంగా డబ్బు కోసం ప్రయత్నాలు చేస్తున్నప్పటికీ అతని దగ్గర నుంచి 75 వేల వరకు తిరిగి తీసుకున్నానని అప్పటికే అతనికి పక్షవాతం వచ్చి ఇబ్బందులు పడటంతో మిగిలిన పాతిక వేలు వదులుకున్నానని ఇంటర్వ్యూ సందర్భంగా తనికెళ్ళభరణి తెలియజేశారు.