Tejaswini Pandit: ఇండస్ట్రీలోనే కాదు బయట కూడా క్యాస్టింగ్ కౌచ్ ఉంది… నటి తేజస్విని పండిట్ కామెంట్స్ వైరల్!

Tejaswini Pandit: సాధారణంగా సినిమా ఇండస్ట్రీలో క్యాస్టింగ్ కౌచ్ ఉందని ఈ క్రమంలోనే ఎంతోమంది హీరోయిన్లుగా అవకాశాలు అందుకోవాలంటే విధమైనటువంటి ఇబ్బందులను ఎదుర్కొంటూ ఉంటారని ఇదివరకు ఎంతోమంది కాస్టింగ్ కౌచ్ గురించి చెప్పుకొచ్చారు.అయితే కాస్టింగ్ కౌచ్ అనేది కేవలం ఇండస్ట్రీలో మాత్రమే కాదని ప్రతి ఒక్క చోట ఉందనే విషయం అందరికీ తెలిసిన సత్యం.

ఇకపోతే ఇండస్ట్రీలో ఎంతోమంది నటీమణులు పలువురు దర్శక నిర్మాతల నుంచి క్యాస్టింగ్ కౌచ్ ఇబ్బందులను ఎదుర్కొన్నామని ఎన్నోసార్లు వెల్లడించారు. ఈ క్రమంలోనే మరాఠీ హీరోయిన్ తేజస్విని పండిట్ సైతం తన సినీ కెరియర్ మొదట్లో ఎదుర్కొన్నటువంటి చేదు సంఘటనల గురించి చెప్పుకొచ్చారు.

తాజాగా ఒక ఇంటర్వ్యూలో పాల్గొన్నటువంటి ఈమె 2009-10 సమయంలో తాను పూణేలో ఒక అపార్ట్మెంటులో రెంటుకు ఉండేదాన్ని తెలిపారు. అప్పటికి తాను ఒక రెండు సినిమాలలో మాత్రమే నటించానని ఈమె తెలియజేశారు. ఇక అపార్ట్మెంట్లో ఉండటం వల్ల రెంట్ చెల్లించడానికి ఆ అపార్ట్మెంట్ ఓనర్ ఆఫీసుకు వెళ్లాను.

Tejaswini Pandit: అద్దె వద్దు తనతో గడపాలన్నారు…

ఆఫీసులో తనకు రెంట్ చెల్లిస్తూ ఉండగా ఓనర్ తనతో చాలా అసభ్యంగా ప్రవర్తించారని ఈమె ఆవేదన చెందారు. తనకు రెంట్ అవసరం లేదని తనకు ఒక ఫేవర్ చేయాలని అడిగారు. రెంటుకు బదులు తనతో గడపాలని ఓనర్ చెప్పడంతో తనకు చాలా కోపం వచ్చిందని ఎదురుగా టేబుల్ పై గ్లాస్ లో ఉన్నటువంటి నీటిని తీసి తన మొహాన కొట్టానని ఈమె తెలిపారు. ఇలాంటి కమిట్మెంట్స్ ఇవ్వడానికి తాను సినిమాలోకి రాలేదని, అతనికి వార్నింగ్ ఇచ్చి అపార్ట్మెంట్ ఖాళీ చేసినట్లు ఈమె తెలిపారు. ఇలా కాస్టింగ్ కౌచ్ ఒక ఇండస్ట్రీలోని కాదు ప్రతి ఒక్క చోట ఉంది అంటూ ఈ సందర్భంగా ఈమె చేసినటువంటి కామెంట్స్ వైరల్ అవుతున్నాయి.