యాక్సిడెంట్ కేసులో అరెస్టయిన సీరియల్ నటి లహరి..!

తెలుగు బుల్లితెర పై ఎన్నో సీరియల్స్ లో నటిస్తూ విశేష ప్రేక్షకాదరణ దక్కించుకున్న నటి లహరి గురించి ప్రత్యేకంగా చెప్పాల్సిన పనిలేదు. ఈమె ఎన్నో అద్భుతమైన సీరియల్స్ లో నటించి మంచి గుర్తింపును సంపాదించుకున్నారు. ప్రస్తుతం ఈమె మా టీవీలో ప్రసారమయ్యే ఇంటింటి గృహలక్ష్మి సీరియల్ లో నటిస్తున్నారు. ఇదిలా ఉండగా తాజాగా ఆమెను పోలీసులు తమ కస్టడీలోకి తీసుకున్నట్లు తెలుస్తోంది.

మద్యం సేవించి వాహనం నడపడమే కాకుండా మరొక వ్యక్తిని ఢీకొనడంతో ఈమెను పోలీసులు అరెస్టు చేశారు. శంషాబాద్ ఔటర్ రింగ్ రోడ్డుపై ప్రైవేట్ పెట్రోలింగ్ వాహనం నడిపే వ్యక్తి తమ విధులు ముగించుకుని వెళ్తున్న సమయంలో నటి లహరి కారు ఆ వ్యక్తిని ఢీకొంది.

ఈ ప్రమాదంలో ఆ వ్యక్తి తీవ్ర గాయాలు పాలవగా, లహరి మాత్రం కారు నుంచి బయటకు దిగకపోవడంతో పెద్దఎత్తున స్థానికులు ఆమెపై ఆగ్రహం వ్యక్తం చేశారు. విషయం తెలుసుకున్న పోలీసులు ఘటనా స్థలానికి చేరుకొని ప్రమాదానికి గురైన వ్యక్తిని ఆసుపత్రికి తరలించి అనంతరం ఆమె కారును పోలీస్ స్టేషన్ కు తరలించారు.

బాధితులు ఈమె గురించి పోలీస్ స్టేషన్లో ఫిర్యాదు చేయలేదని తెలిసినప్పటికీ ఈమెను పోలీస్ స్టేషన్ కు తరలించారు. ఎన్నో సీరియల్స్ లో నటించి మంచి గుర్తింపు సంపాదించుకున్న లహరి ఇలా అరెస్టు కావడంతో అభిమానులు కాస్త ఆందోళన చెందుతున్నారు.