Thammareddy Bhardwaja : సీనియర్ నిర్మాత, డైరెక్టర్ అయిన తమ్మారెడ్డి భరద్వాజ లైగర్ సినిమా గురించి ఘాటుగా స్పందించారు. విజయ్ ప్రవర్తనను కామెంట్స్ చేసారు, ఎగిరెగిరి పడితే ఇలాగే ఉంటుంది అంటూ అభిప్రాయపడ్డారు. సినిమా ఇండస్ట్రీ లో జరుగుతున్న పరిణామాలపై స్పందించే తమ్మారెడ్డి ముక్కుసూటిగా తన అభిప్రాయాలను వెల్లడిస్తారు. సినిమా ఇండస్ట్రీ లో ఉన్న సమస్యల గురించి సినిమాలను తీస్తున్న విధానం గురించి ఇంతకుముందు కూడా ఎన్నో సార్లు విమర్శనాత్మక సూచనలను చేశారు, అయితే ఇపుడు లైగర్ సినిమా ఫలితం గురించి మాట్లాడారు.
చిటికెలు వేసి చూడమంటే చిటికెలు వేసి ప్లాప్ చేసారు…
సినిమా ప్రమోషన్స్ అప్పుడు ఎగిరెగిరి పాడ్డాడు విజయ్, బాగా ఆటిట్యూడ్ చూపించాడు అంటూ తమ్మరడ్డి అభిప్రాయపడ్డారు. మా సినిమాను చూడండి అంటూ వేడుకుంటే ప్రేక్షకులు సినిమా చూస్తారు అంతే కానీ చిటికెలు వేసి సినిమా చూడండి అంటే ఇలానే ఫలితం ఉంటుంది ఆడియన్స్ కూడా చిటికెలు వేసి ప్లాప్ చేసారు. ఇష్టమొచ్చినట్లు హీరోలు ఊరికే స్టేట్మెంట్స్ ఇస్తే ఇలానే ఉంటుంది దేశాన్ని ఊపేస్తాం… తగలెడతాం అంటూ మాట్లాడితే ఇలానే ఆడియన్స్ సినిమాను తగలేస్తారు అంటూ ఘాటుగా విమర్శించారు.
ఇక సినిమా గురించి మాట్లాడుకోవడం అనవసరం. ట్రైలర్ చూసాక సినిమా చూడాలని అనిపించలేదు అందుకే సినిమా చూడలేదు అంటూ చెప్పారు. నాకు పూరీ జగన్నాథ్ అంటే ఇష్టం. ఆయన సినిమాలు బాగుంటాయి అయితే ఈ సినిమా మాత్రం ఇలా ఎందుకు తీసాడో.. భవిష్యత్తులో చూడాలని అనిపిస్తే లైగర్ చూస్తాను అంటూ చెప్పారు. ఇక ఈ మధ్య కాలంలో డబ్బింగ్ సినిమాలు కూడా బాగా ఆదరణ తెచ్చుకుంటున్నాయంటూ తమ్మారెడ్డి అభిప్రాయపడ్డారు.