K.S Ramarao – Chiranjeevi: మెగాస్టార్ నటించిన ఆ సినిమా ఫ్లాప్ అవ్వడానికి కారణం అదే..నిర్మాత కె.ఎస్.రామారావు షాకింగ్ కామెంట్స్!

K.S Ramarao – Chiranjeevi: క్రియేటివ్ కమర్షియల్స్ బ్యానర్ ద్వారా ఎన్నో విజయవంతమైన చిత్రాలను అందించిన నిర్మాత కేఎస్ రామారావు గురించి ప్రత్యేకంగా చెప్పాల్సిన పనిలేదు. మెగాస్టార్ చిరంజీవి హీరోగా అభిలాష, ఛాలెంజ్ వంటి ఎన్నో చిత్రాలను నిర్మించి నిర్మాతగా ఎంతో మంచి పేరు సంపాదించుకున్న కె.ఎస్.రామారావు తన బ్యానర్ లో ఒక చిత్రం గురించి అది మెగాస్టార్ నటించిన చిత్రం గురించి షాకింగ్ కామెంట్స్ చేశారు.

అప్పటివరకు ఫ్లాప్ అంటే ఏంటో తెలియని విధంగా తన జడ్జిమెంట్ ఉండేది. కానీ మెగాస్టార్ చిరంజీవి నటించిన
స్టూవర్టుపురం పోలీస్ స్టేషన్ అనే సినిమా విషయంలో తన జడ్జిమెంట్ పూర్తిగా విఫలమైందని అందుకే ఆ సినిమా ఫ్లాప్ అయిందని ఓ సందర్భంలో ఈ సినిమా గురించి నిర్మాత రామారావు ఆసక్తికరమైన విషయాలను తెలిపారు.

ఈ సందర్భంగా ఆయన మాట్లాడుతూ ఈ రెండు వరుస చిత్రాలతో దూసుకుపోతున్న నా బ్యానర్ లో ఎన్నో అంచనాల నడుమ విడుదలైన ఈ సినిమా ఎవరూ ఊహించని విధంగా బాక్సాఫీస్ వద్ద ప్లాప్ గా నిలబడటం తనను ఎంతగానో కలిచి వేసిందని అప్పటివరకు ఫ్లాప్ అంటే తెలియని నాకు ఈ సినిమా ఎంతో కుంగదీసిందని తెలిపారు.

వాస్తవిక సంఘటనల ఆధారంగా…

అయితే ఈ సినిమా ఫలితాన్ని పొందిన తర్వాత ఈ సినిమా ఫ్లాప్ అవ్వడానికి కారణం ఏంటి అని ఆలోచించాను. అప్పటికే మెగాస్టార్ చిరంజీవితో ఎన్నో విజయాలు అందుకుని ఈ సినిమాతో గుడ్డిగా ముందుకు వెళ్ళి పోవడం, వాస్తవిక సంఘటనల ఆధారంగా తెరకెక్కిన కథ కావడం వంటి కారణాల వల్ల ఈ సినిమా ఫ్లాప్ అయిందని అయితే ఈ సినిమా తర్వాత తనను తాను నిరూపించుకోవడానికి ఎంతో కసిగా చంటి సినిమా ను నిర్మించానని తెలిపారు. ఈ సినిమా ఎలాంటి విజయాన్ని అందుకుందో మనకు తెలిసిందే.