Omicron: ఒమిక్రాన్ రాకుండా ఉండాలంటే ఈ చిట్కాలు పాటించాల్సిందే..!

Omicron: రోజు రోజుకి కరోనా మహమ్మారి ప్రపంచ దేశాలన్నింటిలో విజృంభిస్తోంది . ప్రస్తుతం కరోనా కొత్త వేరియంట్ అయిన ఒమిక్రాన్ ప్రపంచమంతట శర వేగంగా వ్యాప్తి చెందుతుంది. కరోనా ఇతర వేరియంట్ లతో పోల్చితే ఒమిక్రాన్ పిల్లల్లో తొందరగా వ్యాప్తి చెందుతోంది . ఈ వ్యాధి బారిన పడకుండా ఉండాలంటే తగు జాగ్రత్తలు తీసుకుంటూ ఈ చిట్కాలను పాటించండి .

మనం తీసుకుని ఆహారం మీద మన ఆరోగ్యం ఆధారపడి ఉంటుంది . అందువల్ల శరీరారోగ్యానికి అవసరమైన పోషకాలు విటమిన్స్ మినరల్స్ ఉండే పౌష్టికాహారాన్ని తీసుకోవడం ఆరోగ్యానికి మంచిది . విటమిన్ డి వల్ల శరీరంలో రోగ నిరోధక శక్తి పెరుగుతుంది . అందువల్ల విటమిన్ డి ఎక్కువగా ఉన్న ఆహార పదార్థాలను తీసుకుంటూ వ్యాధినిరోధక పెంచు కోవడం వల్ల ఒమిక్రాన్ నుండి మిమ్మల్ని మీరు రక్షించుకోవచ్చు . ప్రతిరోజు ఉదయం వచ్చే సూర్యకిరణాల ద్వారం మన శరీరానికి విటమిన్ డి లభిస్తుంది.. అందువల్ల ప్రతిరోజు ఉదయం కాసేపు ఎండలో తిరగటం మంచిది .

మన ఆరోగ్యానికి ఆహారం ఎంత అవసరమో తగిన సమయం నిద్రపోవడం కూడా అవసరం . ప్రతి మనిషి రోజుకు 6-8 గంటలు తప్పనిసరిగా నిద్ర పోవాలి . ఇలా కాకుండా పని ఒత్తిడిలో పడి సమయానికి నిద్రపోకపోవటం వల్ల ఆరోగ్య సమస్యలు తలెత్తుతాయి. ప్రతిరోజు తగు సమయం నిద్రపోవడం వల్ల రోగనిరోధక శక్తి పెరిగి వ్యాధులు దరిచేరకుండా ఉంటాయి .

ప్రతి రోజు వ్యాయామం చేయటం వల్ల ఆరోగ్యానికి అందానికి చాలా మంచిది . ప్రతి రోజు వాకింగ్ , రన్నింగ్ సైక్లింగ్ వంటి చిన్నచిన్న వ్యాయామాలు చేయడం వల్ల శరీరంలో ఇమ్యూనిటీపవర్ పెరుగుతుంది. అలాగే ఔషధ గుణాలు ఎక్కువగా ఉన్న పసుపు ,తేనె నిమ్మరసం , తులసి, పుదీనా వంటి వాటిని ప్రతిరోజు తీసుకోవటం మంచిది.

తరచూ నీరు తాగుతూ ఉండాలి..

ప్రతిరోజు యోగ చేయటం వల్ల కూడా ఆరోగ్య సమస్యలను దూరం చేయవచ్చు . ప్రతిరోజు శ్వాస సంబంధిత వ్యాయామాలు చేయటం వల్ల శరీరానికి ఆక్సిజన్ బాగా అంది శ్వాస సంబంధిత సమస్యలు తలెత్తవు. అలాగే ప్రతి నిత్యం మన శరీరం హైడ్రేటెడ్ గా ఉండేలా తరచూ నీరు తాగుతూ ఉండాలి. కరోనా వ్యాపించకుండా మాస్క్ ధరించి, సామాజిక దూరం పాటించాలి. చేతులను ఎప్పుడు శుభ్రంగా ఉంచుకుంటూ శానిటైజర్ ఉపయోగిస్తూ ఉండాలి. ఇలాంటి జాగ్రత్తలు తీసుకోవటంవల్ల కరోనా దరిచేరకుండా ఉంటుంది .