Naga Babu: విష్ణు హెయిర్ డ్రెస్సర్ కి సహాయం చేసిన నాగబాబు… మంచు ఫ్యామిలీ రియాక్షన్ ఇదే!

Naga Babu:ఏదో ఒక వివాదాస్పద వ్యాఖ్యల ద్వారా సోషల్ మీడియాలో నిలిచే మంచు కుటుంబం తాజాగా మరో వివాదంలో ఇరుక్కుంది. ఈ క్రమంలోనే విష్ణు హెయిర్ డ్రెస్సర్ నాగ శ్రీను ఫిబ్రవరి 17వ తేదీన 5 లక్షల విలువచేసే సామాగ్రిని దొంగతనం చేశారని ఆయన పై జూబ్లీ హిల్స్ పోలీస్ స్టేషన్ లో ఫిర్యాదు చేసిన సంగతి మనకు తెలిసిందే.

ఈ క్రమంలోనే తనపై అనవసరమైన అభాండాలు వేస్తూ కేసు పెట్టారని, తనని కులం పేరుతో దూషిస్తూ ఎంతో అవమానించడం వల్లే నేను ఇంటి నుంచి బయటకు వచ్చానని నాగ శ్రీను ఒక వీడియో ద్వారా అసలు విషయం బయట పెట్టారు. తనని మోకాళ్లపై కూర్చోబెట్టి కులం పేరుతో తనని,తన తల్లిని దూషిస్తూ ఎంతో అవమానించారని నాగ శ్రీను వెల్లడించారు.

ప్రస్తుతం తన తల్లి అనారోగ్యంతో బాధపడుతూ హాస్పిటల్ లో ఉందని తన వైద్య ఖర్చులకి కూడా డబ్బులు లేక ఎంతో ఇబ్బంది పడుతున్నట్లు నాగ శ్రీను ఈ వీడియో ద్వారా వెల్లడించారు. ఇక ఈ వీడియో సోషల్ మీడియాలో వైరల్ గా మారడంతో ఎంతోమంది మోహన్ బాబు నాగ శ్రీనుకు బహిరంగ క్షమాపణలు చెప్పాలని డిమాండ్ చేశారు.

నాగబాబుకు కృతజ్ఞతలు తెలిపిన నాగ శ్రీను…

ఇదిలా ఉండగా మంచు విష్ణు హెయిర్ డ్రెస్సర్ నాగ శ్రీను వీడియో స్పందించిన నాగబాబు తనని పిలిచి తన తల్లి హాస్పిటల్ ఖర్చులకు 50 వేల రూపాయల సహాయం చేశారు.అలాగే నాగ శ్రీను పిల్లల ఆరోగ్య పరిస్థితులను తెలుసుకుని వారికి ఏ ఇబ్బంది వచ్చినా అపోలో హాస్పిటల్ లో ఉచితంగా మెడికల్ టెస్టులు చేయించుకొనే సౌకర్యాన్ని కూడా కల్పించారు.ఈ విధంగా హెయిర్ డ్రెస్సర్ నాగ శ్రీను కుటుంబానికి నాగబాబు చేసిన సహాయానికి కృతజ్ఞతలు తెలియజేశారు.

ఇక నాగ శ్రీను జీతం ఇవ్వలేదంటూ చేసిన ఆరోపణలపై మంచు కుటుంబానికి చెందిన పిఆర్ టీమ్ స్పందించింది. నాగ శ్రీనుకి ప్రతి నెలా జీతాన్ని అతని అకౌంట్‌లోనే జమ చేస్తున్నామని, గత నెల కూడా అతని అకౌంట్ లో తన జీతం డిపాజిట్ అయిందని వెల్లడించారు. అయితే ఇలా మంచు కుటుంబంతో వివాదం ఉన్న వ్యక్తికి నాగబాబు సహాయం చేయడంతో ఇండస్ట్రీలో పలు చర్చలు మొదలయ్యాయి.