Thammareddy Bharadwaj : చిరంజీవి ఇల్లు కట్టుకుంటానంటే డబ్బులిచ్చాను… ఆయనతో సినిమాలు చేయకపోవడానికి కారణం ఇదే : తమ్మారెడ్డి

Thammareddy Bharadwaj: తమ్మారెడ్డి భరద్వాజ్ టాలీవుడ్ ప్రొడ్యూసర్ గా పలు చిత్రాలకు నిర్మాతగా వ్యవహరించారు. ఇలా పలు చిత్రాలకు నిర్మాతగా వ్యవహరించిన ఈయన, కొన్ని సినిమాలలో కీలక పాత్ర ద్వారా ప్రేక్షకులను సందడి చేశారు. ఇకపోతే తాజాగా ఒక యూట్యూబ్ ఛానల్ ఇంటర్వ్యూలో పాల్గొన్న తమ్మారెడ్డి భరద్వాజ్ మెగాస్టార్ గురించి పలు ఆసక్తికరమైన విషయాలను వెల్లడించారు.

ప్రొడ్యూసర్ గా తన మొదటి సినిమా కోతల రాయుడు సినిమా కోసం చిరంజీవి గారు ఎలాంటి రెమ్యూనరేషన్ తీసుకోలేదని ఈ సందర్భంగా తమ్మారెడ్డి వెల్లడించారు .సినిమా షూటింగ్ పూర్తి అయి విడుదలయ్యే వరకు డబ్బులు ఇవ్వలేదని తరువాత డబ్బులు ఇచ్చామని, అయితే ముందే డబ్బులు ఇవ్వలేదు కనుక ఈ సినిమాకి తన రెమ్యూనరేషన్ తీసుకోలేదని చెబుతాను అంటూ ఈ సందర్భంగా తెలిపారు.

ఇక వీరిద్దరి కాంబినేషన్లో రెండవ చిత్రం మొగుడు కావాలి. ఈ సినిమాకి కూడా మెగాస్టార్ పెద్దగా రెమ్యూనరేషన్ తీసుకోలేదని తెలిపారు. ఈ సినిమా మంచి విజయం అందుకున్నప్పటికీ ఆయన రెమ్యూనరేషన్ అడగలేదని తమ్మారెడ్డి తెలిపారు. ఈ సినిమా షెడ్యూల్ పూర్తి అయిన తర్వాత మేమే కొంత డబ్బు ఇచ్చామని అనంతరం ఆయన ఇల్లు కొంటానంటే ఇంటి కోసం డబ్బు సహాయం చేశానని తెలిపారు.

పెద్ద బ్యానర్స్ లో చేసేవారు…

అయితే తన ఇంటికి అయ్యే ఖర్చు మొత్తం ఇవ్వలేదని ఏదో సహాయం కొద్ది తన వంతుగా కాస్త డబ్బును ఇచ్చానని ఈ సందర్భంగా తమ్మారెడ్డి వెల్లడించారు. ఇకపోతే ఈ సినిమా తరువాత మరో సారి మా ఇద్దరి కాంబినేషన్ లో సినిమా రాలేదు అప్పటికే మెగాస్టార్ స్టార్ హీరోగా మారిపోయారు. ఆయన చుట్టూ పెద్దపెద్ద ప్రొడ్యూసర్లు ఉండేవారు. అందుకే తనతో తరువాత సినిమాలు చేయలేకపోయానని ఈ సందర్భంగా తమ్మారెడ్డి వెల్లడించారు.