Vijay Devarakonda: విజయ్ దేవరకొండ న్యూడ్ ఫోటో రిలీజ్ వెనుక కారణం అదేనా?

Vijay Devarakonda: విజయ్ దేవరకొండ నటించిన లైగర్ సినిమా నుంచి తాజాగా ఒక న్యూడ్ ఫోటో విడుదల చేశారు. ఈ పోస్టర్ విడుదల చేయగానే క్షణాల్లో వైరల్ గా మారింది.ఇక ఈ ఫోటో వైరల్ కావడంతో ఎంతోమంది సినీ సెలెబ్రిటీలతో పాటు నేటిజన్లు సైతం ఫోటో పై స్పందిస్తూ కామెంట్లు చేయడం మొదలుపెట్టారు. మొత్తానికి విజయ్ దేవరకొండ న్యూడ్ ఫోటో విడుదల కావడంతో ఈ ఫోటో సోషల్ మీడియాలో చక్కర్లు కొడుతోంది.

ఇక విజయ్ దేవరకొండ యాంటీ ఫ్యాన్స్ అయితే పెద్ద ఎత్తున ఈ ఫోటో పై ట్రోలింగ్ మొదలుపెట్టారు. ఇదిలా ఉండగా తాజాగా ఈ సినిమా నుంచి ఇలాంటి న్యూడ్ ఫోటో విడుదల చేయడానికి ఓ కారణముంది. అయితే ఈ ఫోటో ఎందుకు విడుదల చేశారనే విషయానికి వస్తే… ఈ సినిమా బాక్సింగ్ నేపథ్యంలో తెరకెక్కుతోందని విజయ్ దేవరకొండ ఫస్ట్ లుక్ పోస్టర్ చూడగానే అందరికీ అర్థమైంది.

ఇక ఈ సినిమా బాక్సింగ్ నేపథ్యంలోనే ప్రేక్షకుల ముందుకు రానుంది. అయితే కొన్ని అంతర్జాతీయ బాక్సింగ్ ఛాంపియన్ షిప్, అల్టిమేట్ ఫైటింగ్ చాంపియన్ షిప్ లలో పాల్గొనబోయే ఫైటర్స్ శరీర బరువు కొలవడానికి ఈ విధంగా ఒంటి పై ఒక్క నూలు పోగు కూడా లేకుండా వారి శరీర బరువును కొలుస్తారు. ఇలా పాల్గొనబోయే ఫైటర్స్ శరీర బరువును గ్రాములతో సహా కొలుస్తారు కనుక ఇలా న్యూడ్ గా ఉంటారు.

శరీర బరువు కొలవడానికే ఇలా

ఈ విధంగా ఈ ఛాంపియన్ షిప్ లీగ్స్ ఫాలో అయ్యే వారికి ఈ విషయం గురించి అవగాహన ఉంటుంది.ఇక ఈ సినిమా కూడా అదే తరహాలోనే ప్రేక్షకుల ముందుకు రావడంతో సింబాలిక్ గా విజయ్ దేవరకొండ ఫోటోని న్యూడ్ ఫోటోగా మేకర్స్ విడుదల చేశారు. ప్రస్తుతం ఈ ఫోటో సోషల్ మీడియాలో పెద్ద ఎత్తున చక్కర్లు కొడుతుంది.ఇప్పటికే ఈ సినిమాపై భారీ అంచనాలు ఏర్పడగా తాజాగా ఈ పోస్టర్ తో మరిన్ని అంచనాలు ఏర్పడ్డాయి.ఇకపోతే ఈ సినిమా ఆగస్టు 25వ తేదీ పాన్ ఇండియా స్థాయిలో విడుదల కానుంది.